Lucian, Deorum concilium, (no name) 10:

καίτοι πάντα ταῦτα, ὦ θεοί, μέτρια. σὺ δέ, ὦ κυνοπρόσωπε καὶ σινδόσιν ἐσταλμένε Αἰγύπτιε, τίσ εἶ, ὦ βέλτιστε, ἢ πῶσ ἀξιοῖσ θεὸσ εἶναι ὑλακτῶν ; τί δὲ βουλόμενοσ καὶ ὁ ποικίλοσ οὗτοσ ταῦροσ ὁ Μεμφίτησ προσκυνεῖται καὶ χρᾷ καὶ προφήτασ ἔχει; αἰσχύνομαι γὰρ ^ ἴβιδασ καὶ πιθήκουσ εἰπεῖν καὶ τράγουσ καὶ ἄλλα πολλῷ γελοιότερα οὐκ οἶδ’ ὅπωσ ἐξ Αἰγύπτου παραβυσθέντα ἐσ τὸν οὐρανόν, ἃ ὑμεῖσ, ὦ θεοί, πῶσ ἀνέχεσθε ὁρῶντεσ ἐπ’ ἴσησ ἢ καὶ μᾶλλον ὑμῶν προσκυνούμενα ; ἢ σύ, ὦ Ζεῦ, πῶσ φέρεισ ἐπειδὰν κριοῦ κέρατα φύσωσί σοι ;