Lucian, De astrologia, (no name) 10:

(루키아노스, De astrologia, (no name) 10:)

Ἕλληνεσ δὲ οὔτε παρ’ Αἰθιόπων οὔτε παρ’ Αἰγυπτίων ἀστρολογίησ πέρι οὐδὲν ἤκουσαν, ἀλλὰ σφίσιν Ὀρφεὺσ ὁ Οἰάγρου καὶ Καλλιόπησ πρῶτοσ τάδε ἀπηγήσατο, οὐ μάλα ἐμφανέωσ, οὐδὲ ἐσ φάοσ τὸν λόγον προήνεγκεν, ἀλλ’ ἐσ γοητείην καὶ ἱερολογίην, οἱή διανοίη ἐκείνου. πηξάμενοσ γὰρ λύρην ὄργιά τε ἐποιέετο καὶ τὰ ἱερὰ ἠείδεν· ἡ δὲ λύρη ἑπτάμιτοσ ἐοῦσα τὴν τῶν κινεομένων ἀστέρων ἁρμονίην συνεβάλλετο. ταῦτα Ὀρφεὺσ διζήμενοσ καὶ ταῦτα ἀνακινέων πάντα ἔθελγεν καὶ πάντων ἐκράτεεν οὐ γὰρ ἐκείνην τὴν λύρην ἔβλεπεν οὐδὲ οἱ ἄλλησ ἔμελε μουσουργίησ, ἀλλ’ αὕτη Ὀρφέοσ ἡ μεγάλη λύρη, Ἕλληνέσ τε τάδε τιμέοντεσ μοίρην ἐν τῷ οὐρανῷ ^ ἀπέκριναν καὶ ἀστέρεσ πολλοὶ καλέονται λύρη Ὀρφέοσ. ἢν δέ κοτε Ὀρφέα ἴδῃσ ἢ λίθοισιν ἢ χροιῇ] μεμιμημένον, μέσῳ ἕζεται ἴκελοσ ἀείδοντι, μετὰ χερσὶν ἔχων τὴν λύρην, ἀμφὶ δέ μιν ζῷα μυρία ἕστηκεν, ἐν οἷσ καὶ ταῦροσ καὶ ἄνθρωποσ καὶ λέων καὶ τῶν ἄλλων ἕκαστον. εὖτ’ ἂν ἐκεῖνα ἴδῃσ, μέμνησό μοι τουτέων, κοίη ἐκείνου ἀοιδή, κοίη δὲ καὶ ἡ λύρη, κοῖοσ δὲ καὶ ταῦροσ ἢ ὁκοῖοσ λέων Ὀρφέοσ ἐπαϊούσιν. ἢν δὲ τὰ λέγω αἴτια γνοίησ, σὺ δὲ καὶ ἐν τῷ οὐρανῷ δέρκεο ἕκαστον τουτέων.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION