Lucian, Cataplus, (no name) 18:

οὗτοσ, ποῖ φέρῃ; πλῆρεσ ἤδη τὸ σκάφοσ· αὐτοῦ περίμενε εἰσ αὔριον· ἑώθέν σε διαπορθμεύσομεν. ἀδικεῖσ, ὦ Χάρων, ἑώλον ἤδη νεκρὸν ἀπολιμπάνων ἀμέλει γράψομαί σε παρανόμων ἐπὶ τοῦ Ῥαδαμάνθυοσ. οἴμοι τῶν κακῶν ἤδη πλέουσιν ἐγὼ δὲ μόνοσ ἐνταῦθα περιλελείψομαι. καίτοι τί οὐ διανήχομαι κατ’ αὐτούσ; οὐ γὰρ δέδια μὴ ἀπαγορεύσασ ἀποπνιγῶ ἤδη τεθνεώσ· ἄλλωσ τε οὐδὲ τὸν ὀβολὸν ἔχω τὰ πορθμεῖα καταβαλεῖν. . τί τοῦτο; περίμεινον, ὦ Μίκυλλε· οὐ θέμισ οὕτω σε διελθεῖν καὶ μὴν ἴσωσ ὑμῶν καὶ προκαταχθήσομαι. μηδαμῶσ, ἀλλὰ προσελάσαντεσ ἀναλάβωμεν αὐτὸν καὶ σύ, ὦ Ἑρμῆ, συνανάσπασον. ΧΑΡΩΝ ποῦ νῦν καθεδεῖται;