Lucian, Cataplus, (no name) 4:

(루키아노스, Cataplus, (no name) 4:)

ἀπεδίδρασκε, λέγεισ; εἰ γὰρ μὴ ὁ γενναιότατοσ οὗτοσ, ὁ τὸ ξύλον, συνήργησέ μοι καὶ συλλαβόντεσ αὐτὸν ἐδήσαμεν, κἂν ᾤχετο ἡμᾶσ ἀποφυγών ἀφ’ οὗ γάρ μοι παρέδωκεν αὐτὸν ἡ Ἄτροποσ, παρ’ ὅλην τὴν ὁδὸν ἀντέτεινε καὶ ἀντέσπα, καὶ τὼ πόδε ἀντερείδων πρὸσ τὸ ἔδαφοσ οὐ παντελῶσ εὐάγωγοσ ἦν· ἐνίοτε δὲ καὶ ἱκέτευε καὶ κατελιπάρει, ἀφεθῆναι πρὸσ ὀλίγον ἀξιῶν καὶ πολλὰ δώσειν ὑπισχνούμενοσ. ἐγὼ δέ, ὥσπερ εἰκόσ, οὐκ ἀνίειν ὁρῶν ἀδυνάτων ἐφιέμενον. ἐπεὶ δὲ κατ’ αὐτὸ ἤδη τὸ στόμιον ἦμεν, ἐμοῦ τοὺσ νεκρούσ, ὡσ ἔθοσ, ἀπαριθμοῦντοσ τῷ Αἰακῷ κἀκείνου λογιζομένου αὐτοὺσ πρὸσ τὸ παρὰ τῆσ σῆσ ἀδελφῆσ πεμφθὲν αὐτῷ σύμβολον, λαθὼν οὐκ οἶδ’ ὅπωσ ὁ τρισκατάρατοσ ἀπιὼν ᾤχετο. "χρῶ τῇ κλεπτικῇ, ἅλισ σοι αἱ ἐν οὐρανῷ παιδιαί· "τὰ νεκρῶν δὲ ἀκριβῆ καὶ οὐδαμῶσ λαθεῖν δυνάμενα. "τέτταρασ, ὡσ ὁρᾷσ, πρὸσ τοῖσ χιλίοισ ἔχει τὸ σύμβολον ἐγκεχαραγμένουσ, σὺ δέ μοι παρ’ ἕνα ἥκεισ ἄγων, εἰ μὴ τοῦτο φήσ, ὡσ παραλελόγισταὶ σε ἡ Ἄτροποσ. ἐγὼ δὲ ἐρυθριάσασ πρὸσ τὸν λόγον ταχέωσ ὑπεμνήσθην τῶν κατὰ τὴν ὁδόν, κἀπειδὴ περιβλέπων οὐδαμοῦ τοῦτον εἶδον, συνεὶσ τὴν ἀπόδρασιν ἐδίωκον ὡσ εἶχον τάχουσ κατὰ τὴν ἄγουσαν πρὸσ τὸ φῶσ· εἵπετο δὲ αὐθαίρετόσ μοι ὁ βέλτιστοσ οὗτοσ, καὶ ὥσπερ ἀπὸ ὕσπληγγοσ θέοντεσ καταλαμβάνομεν αὐτὸν ἤδη ἐν Ταινάρῳ· παρὰ τοσοῦτον ἦλθε διαφυγεῖν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION