Lucian, Anacharsis, (no name) 38:

(루키아노스, Anacharsis, (no name) 38:)

ἐπεὶ δὲ φήσ, ὦ Ἀνάχαρσι, καὶ τὴν ἄλλην Ἑλλάδα ἐπελεύσεσθαι, μέμνησο ἤν ποτε καὶ εἰσ Λακεδαίμονα ἔλθῃσ, μὴ καταγελάσαι μηδὲ ἐκείνων μηδὲ οἰέσθαι μάτην πονεῖν αὐτούσ, ὁπόταν ἢ σφαίρασ πέρι ἐν τῷ θεάτρῳ συμπεσόντεσ παίωσιν ἀλλήλουσ ἢ εἰσ χωρίον εἰσελθόντεσ ὕδατι περιγεγραμμένον, εἰσ φάλαγγα διαστάντεσ, τὰ πολεμίων ἀλλήλουσ ἐργάζωνται γυμνοὶ καὶ αὐτοί, ἄχρισ ἂν ἐκβάλωσι τοῦ περιγράμματοσ τὸ ἕτερον σύνταγμα οἱ ἕτεροι, τοὺσ κατὰ Λυκοῦργον οἱ καθ’ Ἡρακλέα ἢ ἔμπαλιν, συνωθοῦντεσ εἰσ τὸ ὕδωρ· τὸ γὰρ ἀπὸ τούτου εἰρήνη λοιπὸν καὶ οὐδεὶσ ἂν ἔτι παίσειε. μάλιστα δὲ ἢν ὁρᾷσ μαστιγουμένουσ αὐτοὺσ ἐπὶ τῷ βωμῷ καὶ αἵματι ῥεομένουσ, πατέρασ δὲ καὶ μητέρασ παρεστώσασ οὐχ ὅπωσ ἀνιωμένασ ἐπὶ τοῖσ γιγνομένοισ ἀλλὰ καὶ ἀπειλούσασ, εἰ μὴ ἀντέχοιεν πρὸσ τὰσ πληγάσ, καὶ ἱκετευούσασ ἐπὶ μήκιστον διαρκέσαι πρὸσ τὸν πόνον καὶ ἐγκαρτερῆσαι τοῖσ δεινοῖσ. πολλοὶ γοῦν καὶ ἐναπέθανον τῷ ἀγῶνι μὴ ἀξιώσαντεσ ἀπαγορεῦσαι ζῶντεσ ἔτι ἐν ὀφθαλμοῖσ τῶν οἰκείων μηδὲ εἶξαι τοῖσ σώμασιν· ὧν καὶ τοὺσ ἀνδριάντασ ὄψει τιμωμένουσ δημοσίᾳ ὑπὸ τῆσ Σπάρτησ ἀνασταθέντασ. Ὅταν τοίνυν ὁρᾷσ κἀκεῖνα, μήτε μαίνεσθαι ὑπολάβῃσ αὐτοὺσ μήτε εἴπῃσ, ὡσ οὐδεμιᾶσ ἕνεκα αἰτίασ ἀναγκαίασ ταλαιπωροῦσι, μήτε τυράννου βιαζομένου μήτε πολεμίων διατιθέντων. εἴποι γὰρ ἄν σοι καὶ ὑπὲρ ἐκείνων Λυκοῦργοσ ὁ νομοθέτησ αὐτῶν πολλὰ τὰ εὔλογα καὶ ἃ συνιδὼν κολάζει αὐτούσ, οὐκ ἐχθρὸσ ὢν οὐδὲ ὑπὸ μίσουσ αὐτὸ δρῶν οὐδὲ τὴν νεολαίαν τῆσ πόλεωσ εἰκῆ· παραναλίσκων, ἀλλὰ καρτερικωτάτουσ καὶ παντὸσ δεινοῦ κρείττονασ ἀξιῶν εἶναι τοὺσ σώζειν μέλλοντασ τὴν πατρίδα. καίτοι κἂν μὴ ὁ Λυκοῦργοσ εἴπῃ, ἐννοεῖσ, οἶμαι, καὶ αὐτὸσ ὡσ οὐκ ἄν ποτε ληφθεὶσ ὁ τοιοῦτοσ ἐν πολέμῳ ἀπόρρητὸν τι ἐξείποι τῆσ Σπάρτησ αἰκιζομένων τῶν ἐχθρῶν, ἀλλὰ καταγελῶν αὐτῶν μαστιγοῖτο ἂν ἁμιλλώμενοσ πρὸσ τὸν παίοντα, ὁπότεροσ ἀπαγορεύσειεν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION