Lucian, Anacharsis, (no name) 36:

(루키아노스, Anacharsis, (no name) 36:)

ταυτὶ μέν,^ ὦ Σόλων, οὐ πάνυ συνίημι· νῦν δὲ καὶ ἀπὸ τούτων εἰκάζειν παρέχοιεν ἄν σοι, ὁποῖοι ἐν πολέμοισ ὑπὲρ πατρίδοσ καὶ παίδων καὶ γυναικῶν καὶ ἱερῶν γένοιντ’ ἂν ὅπλα ἔχοντεσ οἱ κοτίνου πέρι καὶ μήλων γυμνοὶ τοσαύτην προθυμίαν εἰσ τὸ νικᾶν εἰσφερόμενοι. λεπτότερα γὰρ ἢ κατ’ ἐμὲ εἴρηκασ, ἀκριβοῦσ τινοσ φροντίδοσ καὶ διανοίασ ὀξὺ δεδορκυίασ δεόμενα. ἐκεῖνο δέ μοι πάντωσ εἰπέ, τίνοσ ἕνεκα οὐχὶ καὶ ἐν τοῖσ ἀγῶσι τοῖσ Ὀλυμπίασι καὶ Ἰσθμοῖ καὶ Πυθοῖ καὶ τοῖσ ἄλλοισ, ὁπότε πολλοί, ὡσ φήσ, συνίασιν ὀψόμενοι τοὺσ νέουσ ἀγωνιζομένουσ,^ οὐδέποτε ἐν ὅπλοισ ποιεῖσθε τὴν ἅμιλλαν, ἀλλὰ γυμνοὺσ εἰσ τὸ μέσον παραγαγόντεσ λακτιζομένουσ καὶ παιομένουσ ἐπιδείκνυτε καὶ νικήσασι μῆλα καὶ κότινον δίδοτε; ἄξιον γὰρ εἰδέναι τοῦτὸ γε, οὗτινοσ ἕνεκα οὕτω ποιεῖτε. ἡγούμεθα γάρ, ὦ Ἀνάχαρσι, τὴν εἰσ τὰ γυμνάσια προθυμίαν οὕτωσ ἂν πλείω ἐγγενέσθαι αὐτοῖσ, εἰ τοὺσ ἀριστεύοντασ ἐν τούτοισ ἴδοιεν τιμωμένουσ καὶ ἀνακηρυττομένουσ ἐν μέσοισ τοῖσ Ἕλλησι. καὶ διὰ τοῦτο ὡσ εἰσ τοσούτουσ ἀποδυσόμενοι εὐεξίασ τε ἐπιμελοῦνται, ὡσ μὴ αἰσχύνοιντο γυμνωθέντεσ, καὶ ἀξιονικότατον ἕκαστοσ αὑτὸν ἀπεργάζεται. καὶ τὰ ἆθλα, ὥσπερ ἔμπροσθεν εἶπον, οὐ μικρά, ὁ ἔπαινοσ ὁ παρὰ τῶν θεατῶν καὶ τὸ ἐπισημότατον γενέσθαι καὶ δείκνυσθαι τῷ δακτύλῳ ἄριστον εἶναι τῶν καθ’ αὑτὸν δοκοῦντα. τοιγάρτοι πολλοὶ τῶν θεατῶν, οἷσ καθ’ ἡλικίαν ἔτι ἄσκησισ, ἀπίασιν οὐ μετρίωσ ἐκ τῶν τοιούτων ἀρετῆσ καὶ πόνων ἐρασθέντεσ. ὡσ εἲ γέ τισ, ὦ Ἀνάχαρσι, τὸν τῆσ εὐκλείασ ἔρωτα ἐκβάλοι ἐκ τοῦ βίου, τί ἂν ἔτι ἀγαθὸν ἡμῖν γένοιτο, ἤ τίσ ἄν τι λαμπρὸν ἐργάσασθαι ἐπιθυμήσειεν;

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION