Lucian, Anacharsis, (no name) 14:

(루키아노스, Anacharsis, (no name) 14:)

ἐοίκασ, ὦ Ἀνάχαρσι, μηδέπω ἐννενοηκέναι πολιτείασ ὀρθῆσ πέρι μηδὲν οὐ γὰρ ἂν τὰ κάλλιστα τῶν ἐθῶν ἐν ψόγῳ ἐτίθεσο. ἢν δέ σοι μελήσῃ ποτὲ εἰδέναι ὅπωσ ἂν τὰ κάλλιστα οἰκηθείη πόλισ καὶ ὅπωσ ἂν ἄριστοι γένοιντο οἱ πολῖται αὐτῆσ, ἐπαινέσῃ τότε καὶ τὰσ ἀσκήσεισ ταύτασ καὶ τὴν φιλοτιμίαν ἣν φιλοτιμούμεθα περὶ αὐτάσ, καὶ εἴσῃ ὅτι πολὺ τὸ χρήσιμον ἔχουσιν ἐγκαταμεμιγμένον τοῖσ πόνοισ, εἰ καὶ νῦν μάτην σπουδάζεσθαι δοκοῦσιν. καὶ μήν, ὦ Σόλων, κατ’ οὐδὲν ἄλλο ἀπὸ τῆσ Σκυθίασ ἥκω παρ’ ὑμᾶσ τοσαύτην μὲν γῆν διοδεύσασ, μέγαν δὲ τὸν Εὔξεινον καὶ δυσχείμερον περαιωθείσ, ἢ ὅπωσ νόμουσ τε τοὺσ Ἑλλήνων ἐκμάθοιμι καὶ ἔθη τὰ παρ’ ὑμῖν κατανοήσαιμι καὶ πολιτείαν τὴν ἀρίστην ἐκμελετήσαιμι. διὸ καὶ σὲ μάλιστα φίλον ἐξ ἁπάντων Ἀθηναίων καὶ ξένον προειλόμην κατὰ κλέοσ, ἐπείπερ ἤκουον νόμων τε συγγραφέα τινὰ εἶναι σε καὶ ἐθῶν τῶν ἀρίστων εὑρετὴν καὶ ἐπιτηδευμάτων ὠφελίμων εἰσηγητήν, καὶ ὅλωσ πολιτείασ τινὸσ συναρμοστήν. ὥστε οὐκ ἂν φθάνοισ διδάσκων με καὶ μαθητὴν ποιούμενοσ· ὡσ ἔγωγε ἡδέωσ ἂν ἄσιτόσ σοι καὶ ἄποτοσ παρακαθεζόμενοσ, εἰσ ὅσον ἂν αὐτὸσ διαρκοίησ λέγων, κεχηνὼσ ἐπακούοιμι περὶ πολιτείασ τε καὶ νόμων διεξιόντοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION