Lucian, Adversus indoctum et libros multos ementem, (no name) 18:

πῶσ δὲ οὐ κἀκεῖνο αἰσχρόν, εἴ τισ ἐν τῇ χειρὶ ἔχοντά. σε βιβλίον ἰδών ‐ ἀεὶ δέ τι πάντωσ ἔχεισ ‐ ἔροιτο οὗτινοσ ἢ ῥήτοροσ ἢ συγγραφέωσ ἢ ποιητοῦ ἐστι, σὺ δὲ ἐκ τῆσ ἐπιγραφῆσ εἰδὼσ πρᾴωσ εἴποισ τοῦτό γε· εἶτα, ὡσ φιλεῖ τὰ τοιαῦτα ἐν συνουσίᾳ προχωρεῖν εἰσ μῆκοσ λόγων, ὁ μὲν ἐπαινοῖ τι ἢ αἰτιῷτο τῶν ἐγγεγραμμένων, σὺ δὲ ἀποροίησ καὶ μηδὲν ἔχοισ εἰπεῖν; οὐκ εὔξῃ τότε χανεῖν σοι τὴν γῆν, κατὰ σεαυτοῦ ὁ Βελλεροφόντησ περιφέρων τὸ βιβλίον ;