Lucian, Adversus indoctum et libros multos ementem, (no name) 9:

(루키아노스, Adversus indoctum et libros multos ementem, (no name) 9:)

ἐπεὶ δ’ οὖν ποτε καὶ ἧκεν ἡ τοῦ ἀγῶνοσ ἡμέρα, τρεῖσ μὲν ἦσαν, ἔλαχεν δὲ μέσοσ αὐτῶν ὁ Εὐάγγελοσ ᾄδειν καὶ μετὰ Θέσπιν τὸν Θηβαῖον οὐ φαύλωσ ἀγωνισάμενον εἰσέρχεται ὅλοσ περιλαμπόμενοσ τῷ χρυσῷ καὶ τοῖσ σμαράγδοισ καὶ βηρύλλοισ καὶ ὑακίνθοισ· καὶ ἡ πορφύρα δὲ ἐνέπρεπε τῆσ ἐσθῆτοσ, ἣ μεταξὺ τοῦ χρυσοῦ διεφαίνετο. τούτοισ ἅπασι προεκπλήξασ τὸ θέατρον καὶ θαυμαστῆσ ἐλπίδοσ ἐμπλήσασ τοὺσ θεατάσ, ἐπειδή ποτε καὶ ᾆσαι καὶ κιθαρίσαι πάντωσ ἔδει, ἀνακρούεται μὲν ἀνάρμοστόν τι καὶ ἀσύντακτον, ἀπορρήγνυσι δὲ τρεῖσ ἅμα χορδὰσ σφοδρότερον τοῦ δέοντοσ ἐμπεσὼν τῇ κιθάρᾳ, ᾄδειν δὲ ἄρχεται ἀπόμουσόν τι καὶ λεπτόν, ὥστε γέλωτα μὲν παρὰ πάντων γενέσθαι τῶν θεατῶν, τοὺσ ἀθλοθέτασ δὲ ἀγανακτήσαντασ ἐπὶ τῇ τόλμῃ μαστιγώσαντασ αὐτὸν ἐκβαλεῖν τοῦ θεάτρου· ὅτεπερ καὶ γελοιότατοσ ὤφθη δακρύων ὁ χρυσοῦσ Εὐάγγελοσ καὶ ὑπὸ τῶν μαστιγοφόρων συρόμενοσ διὰ μέσησ τῆσ σκηνῆσ καὶ τὰ σκέλη καθῃματωμένοσ ἐκ τῶν μαστίγων καὶ συλλέγων χαμάθεν τῆσ κιθάρασ τὰσ σφραγῖδασ· ἐξεπεπτώκεσαν γὰρ κἀκείνησ συμμαστιγουμένησ αὐτῷ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION