Homer, Iliad, Book 24 60:

τὸν δ’ ἠμείβετ’ ἔπειτα γέρων Πρίαμοσ θεοειδήσ· εἰ μὲν δή μ’ ἐθέλεισ τελέσαι τάφον Ἕκτορι δίῳ, ὧδέ κέ μοι ῥέζων Ἀχιλεῦ κεχαρισμένα θείησ. οἶσθα γὰρ ὡσ κατὰ ἄστυ ἐέλμεθα, τηλόθι δ’ ὕλη ἀξέμεν ἐξ ὄρεοσ, μάλα δὲ Τρῶεσ δεδίασιν. ἐννῆμαρ μέν κ’ αὐτὸν ἐνὶ μεγάροισ γοάοιμεν, τῇ δεκάτῃ δέ κε θάπτοιμεν δαινῦτό τε λαόσ, ἑνδεκάτῃ δέ κε τύμβον ἐπ’ αὐτῷ ποιήσαιμεν, τῇ δὲ δυωδεκάτῃ πολεμίξομεν εἴ περ ἀνάγκη.