호흡부호 보기
강세부호 보기
장단부호 보기
작은 Iota 보기
모든 부호 보기
Πηλεί̈δησ δ’ αἶψ’ ἄλλα τίθει ταχυτῆτοσ ἀέθλα ἀργύρεον κρητῆρα τετυγμένον· ἓξ δ’ ἄρα μέτρα χάνδανεν, αὐτὰρ κάλλει ἐνίκα πᾶσαν ἐπ’ αἰᾶν πολλόν, ἐπεὶ Σιδόνεσ πολυδαίδαλοι εὖ ἤσκησαν, Φοίνικεσ δ’ ἄγον ἄνδρεσ ἐπ’ ἠεροειδέα πόντον, στῆσαν δ’ ἐν λιμένεσσι, Θόαντι δὲ δῶρον ἔδωκαν· υἱο͂σ δὲ Πριάμοιο Λυκάονοσ ὦνον ἔδωκε Πατρόκλῳ ἡρ́ωϊ Ιἠσονίδησ Εὔνηοσ. καὶ τὸν Ἀχιλλεὺσ θῆκεν ἀέθλον οὗ ἑτάροιο, ὅσ τισ ἐλαφρότατοσ ποσσὶ κραιπνοῖσι πέλοιτο· δευτέρῳ αὖ βοῦν θῆκε μέγαν καὶ πίονα δημῷ, ἡμιτάλαντον δὲ χρυσοῦ λοισθήϊ’ ἔθηκε. στῆ δ’ ὀρθὸσ καὶ μῦθον ἐν Ἀργείοισιν ἐείπεν· ὄρνυσθ’ οἳ καὶ τούτου ἀέθλου πειρήσεσθε. ὣσ ἔφατ’, ὄρνυτο δ’ αὐτίκ’ Οἰ̈λῆοσ ταχὺσ Αἰάσ, ἂν δ’ Ὀδυσεὺσ πολύμητισ, ἔπειτα δὲ Νέστοροσ υἱὸσ Ἀντίλοχοσ· ὃ γὰρ αὖτε νέουσ ποσὶ πάντασ ἐνίκα. στὰν δὲ μεταστοιχί· σήμηνε δὲ τέρματ’ Ἀχιλλεύσ. τοῖσι δ’ ἀπὸ νύσσησ τέτατο δρόμοσ· ὦκα δ’ ἔπειτα ἔκφερ’ Οἰ̈λιάδησ· ἐπὶ δ’ ὄρνυτο δῖοσ Ὀδυσσεὺσ ἄγχι μάλ’, ὡσ ὅτε τίσ τε γυναικὸσ ἐϋζώνοιο στήθεόσ ἐστι κανών, ὅν τ’ εὖ μάλα χερσὶ τανύσσῃ πηνίον ἐξέλκουσα παρὲκ μίτον, ἀγχόθι δ’ ἴσχει στήθεοσ· ὣσ Ὀδυσεὺσ θέεν ἐγγύθεν, αὐτὰρ ὄπισθεν ἴχνια τύπτε πόδεσσι πάροσ κόνιν ἀμφιχυθῆναι· κὰδ δ’ ἄρα οἱ κεφαλῆσ χέ’ ἀϋτμένα δῖοσ Ὀδυσσεὺσ αἰεὶ ῥίμφα θέων· ἰάχον δ’ ἐπὶ πάντεσ Ἀχαιοὶ νίκησ ἱεμένῳ, μάλα δὲ σπεύδοντι κέλευον. ἀλλ’ ὅτε δὴ πύματον τέλεον δρόμον, αὐτίκ’ Ὀδυσσεὺσ εὔχετ’ Ἀθηναίῃ γλαυκώπιδι ὃν κατὰ θυμόν· κλῦθι θεά, ἀγαθή μοι ἐπίρροθοσ ἐλθὲ ποδοῖιν. ὣσ ἔφατ’ εὐχόμενοσ· τοῦ δ’ ἔκλυε Παλλὰσ Ἀθήνη, γυῖα δ’ ἔθηκεν ἐλαφρά, πόδασ καὶ χεῖρασ ὕπερθεν. ἀλλ’ ὅτε δὴ τάχ’ ἔμελλον ἐπαί̈ξασθαι ἀέθλον, ἔνθ’ Αἰάσ μὲν ὄλισθε θέων, βλάψεν γὰρ Ἀθήνη, τῇ ῥα βοῶν κέχυτ’ ὄνθοσ ἀποκταμένων ἐριμύκων, οὓσ ἐπὶ Πατρόκλῳ πέφνεν πόδασ ὠκὺσ Ἀχιλλεύσ· ἐν δ’ ὄνθου βοέου πλῆτο στόμα τε ῥῖνάσ τε· κρητῆρ’ αὖτ’ ἀνάειρε πολύτλασ δῖοσ Ὀδυσσεύσ, ὡσ ἦλθε φθάμενοσ· ὃ δὲ βοῦν ἕλε φαίδιμοσ Αἰάσ. στῆ δὲ κέρασ μετὰ χερσὶν ἔχων βοὸσ ἀγραύλοιο ὄνθον ἀποπτύων, μετὰ δ’ Ἀργείοισιν ἐείπεν· ὢ πόποι ἦ μ’ ἔβλαψε θεὰ πόδασ, ἣ τὸ πάροσ περ μήτηρ ὣσ Ὀδυσῆϊ παρίσταται ἠδ’ ἐπαρήγει.
호흡부호 보기
강세부호 보기
장단부호 보기
작은 Iota 보기
모든 부호 보기