헬라어 문장 검색 - Ηομερ́ΙλιαδΓρ́23́0́026́

(호메로스, 일리아스, Book 23 26:)

ἱππεῦσιν μὲν πρῶτα ποδώκεσιν ἀγλά’ ἀέθλα θῆκε γυναῖκα ἄγεσθαι ἀμύμονα ἔργα ἰδυῖαν καὶ τρίποδ’ ὠτώεντα δυωκαιεικοσίμετρον τῷ πρώτῳ· ἀτὰρ αὖ τῷ δευτέρῳ ἵππον ἔθηκεν ἑξέτε’ ἀδμήτην βρέφοσ ἡμίονον κυέουσαν· αὐτὰρ τῷ τριτάτῳ ἄπυρον κατέθηκε λέβητα καλὸν τέσσαρα μέτρα κεχανδότα λευκὸν ἔτ’ αὔτωσ· τῷ δὲ τετάρτῳ θῆκε δύω χρυσοῖο τάλαντα, πέμπτῳ δ’ ἀμφίθετον φιάλην ἀπύρωτον ἔθηκε. στῆ δ’ ὀρθὸσ καὶ μῦθον ἐν Ἀργείοισιν ἐείπεν· Ἀτρεί̈δη τε καὶ ἄλλοι ἐϋκνήμιδεσ Ἀχαιοὶ ἱππῆασ τάδ’ ἀέθλα δεδεγμένα κεῖτ’ ἐν ἀγῶνι. εἰ μὲν νῦν ἐπὶ ἄλλῳ ἀεθλεύοιμεν Ἀχαιοὶ ἦ τ’ ἂν ἐγὼ τὰ πρῶτα λαβὼν κλισίην δὲ φεροίμην. ἴστε γὰρ ὅσσον ἐμοὶ ἀρετῇ περιβάλλετον ἵπποι· ἀθάνατοί τε γάρ εἰσι, Ποσειδάων δὲ πόρ’ αὐτοὺσ πατρὶ ἐμῷ Πηλῆϊ, ὃ δ’ αὖτ’ ἐμοὶ ἐγγυάλιξεν. ἀλλ’ ἤτοι μὲν ἐγὼ μενέω καὶ μώνυχεσ ἵπποι· τοίου γὰρ κλέοσ ἐσθλὸν ἀπώλεσαν ἡνιόχοιο ἠπίου, ὅσ σφωϊν μάλα πολλάκισ ὑγρὸν ἔλαιον χαιτάων κατέχευε λοέσσασ ὕδατι λευκῷ. τὸν τώ γ’ ἑσταότεσ πενθείετον, οὔδεϊ δέ σφι χαῖται ἐρηρέδαται, τὼ δ’ ἕστατον ἀχνυμένω κῆρ. ἄλλοι δὲ στέλλεσθε κατὰ στρατόν, ὅσ τισ Ἀχαιῶν ἵπποισίν τε πέποιθε καὶ ἁρ́μασι κολλητοῖσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 23 26:

(호메로스, 일리아스, Book 23 26:)

상위

목록

SEARCH

MENU NAVIGATION