Homer, Iliad, Book 23 21:

(호메로스, 일리아스, Book 23 21:)

ἣ μὲν ἄρ’ ὣσ εἰποῦσ’ ἀπεβήσετο, τοὶ δ’ ὀρέοντο ἠχῇ θεσπεσίῃ νέφεα κλονέοντε πάροιθεν. αἶψα δὲ πόντον ἵκανον ἀήμεναι, ὦρτο δὲ κῦμα πνοιῇ ὕπο λιγυρῇ· Τροίην δ’ ἐρίβωλον ἱκέσθην, ἐν δὲ πυρῇ πεσέτην, μέγα δ’ ἰάχε θεσπιδαὲσ πῦρ. παννύχιοι δ’ ἄρα τοί γε πυρῆσ ἄμυδισ φλόγ’ ἔβαλλον φυσῶντεσ λιγέωσ· ὃ δὲ πάννυχοσ ὠκὺσ Ἀχιλλεὺσ χρυσέου ἐκ κρητῆροσ ἑλὼν δέπασ ἀμφικύπελλον οἶνον ἀφυσσόμενοσ χαμάδισ χέε, δεῦε δὲ γαῖαν ψυχὴν κικλήσκων Πατροκλῆοσ δειλοῖο. ὡσ δὲ πατὴρ οὗ παιδὸσ ὀδύρεται ὀστέα καίων νυμφίου, ὅσ τε θανὼν δειλοὺσ ἀκάχησε τοκῆασ, ὣσ Ἀχιλεὺσ ἑτάροιο ὀδύρετο ὀστέα καίων, ἑρπύζων παρὰ πυρκαϊὴν ἁδινὰ στεναχίζων.

일치하는 문장이 없습니다.

SEARCH

MENU NAVIGATION