Homer, Iliad, Book 21 54:

(호메로스, 일리아스, Book 21 54:)

ἦ ῥα, καὶ ὀξὺν ἄκοντα βαρείησ χειρὸσ ἀφῆκε, καί ῥ’ ἔβαλε κνήμην ὑπὸ γούνατοσ οὐδ’ ἀφάμαρτεν. ἀμφὶ δέ οἱ κνημὶσ νεοτεύκτου κασσιτέροιο σμερδαλέον κονάβησε· πάλιν δ’ ἀπὸ χαλκὸσ ὄρουσε βλημένου, οὐδ’ ἐπέρησε, θεοῦ δ’ ἠρύκακε δῶρα. Πηλεί̈δησ δ’ ὁρμήσατ’ Ἀγήνοροσ ἀντιθέοιο δεύτεροσ· οὐδ’ ἔτ’ ἐάσεν Ἀπόλλων κῦδοσ ἀρέσθαι, ἀλλά μιν ἐξήρπαξε, κάλυψε δ’ ἄρ’ ἠέρι πολλῇ, ἡσύχιον δ’ ἄρα μιν πολέμου ἔκπεμπε νέεσθαι. αὐτὰρ ὃ Πηλεί̈ωνα δόλῳ ἀποέργαθε λαοῦ· αὐτῷ γὰρ ἑκάεργοσ Ἀγήνορι πάντα ἐοικὼσ ἔστη πρόσθε ποδῶν, ὃ δ’ ἐπέσσυτο ποσσὶ διώκειν· εἱο͂σ ὃ τὸν πεδίοιο διώκετο πυροφόροιο τρέψασ πὰρ ποταμὸν βαθυδινήεντα Σκάμανδρον τυτθὸν ὑπεκπροθέοντα· δόλῳ δ’ ἄρ’ ἔθελγεν Ἀπόλλων ὡσ αἰεὶ ἔλποιτο κιχήσεσθαι ποσὶν οἷσι· τόφρ’ ἄλλοι Τρῶεσ πεφοβημένοι ἦλθον ὁμίλῳ ἀσπάσιοι προτὶ ἄστυ, πόλισ δ’ ἔμπλητο ἀλέντων. οὐδ’ ἄρα τοί γ’ ἔτλαν πόλιοσ καὶ τείχεοσ ἐκτὸσ μεῖναι ἔτ’ ἀλλήλουσ, καὶ γνώμεναι ὅσ τε πεφεύγοι ὅσ τ’ ἔθαν’ ἐν πολέμῳ· ἀλλ’ ἐσσυμένωσ ἐσέχυντο ἐσ πόλιν, ὅν τινα τῶν γε πόδεσ καὶ γοῦνα σαώσαι.

일치하는 문장이 없습니다.

SEARCH

MENU NAVIGATION