Homer, Iliad, Book 21 41:

ὣσ ἄρα φωνήσασ πάλιν ἐτράπετ’· αἴδετο γάρ ῥα πατροκασιγνήτοιο μιγήμεναι ἐν παλάμῃσι. τὸν δὲ κασιγνήτη μάλα νείκεσε πότνια θηρῶν Ἄρτεμισ ἀγροτέρη, καὶ ὀνείδειον φάτο μῦθον· φεύγεισ δὴ ἑκάεργε, Ποσειδάωνι δὲ νίκην πᾶσαν ἐπέτρεψασ, μέλεον δέ οἱ εὖχοσ ἔδωκασ· νηπύτιε τί νυ τόξον ἔχεισ ἀνεμώλιον αὔτωσ; μή σευ νῦν ἔτι πατρὸσ ἐνὶ μεγάροισιν ἀκούσω εὐχομένου, ὡσ τὸ πρὶν ἐν ἀθανάτοισι θεοῖσιν, ἄντα Ποσειδάωνοσ ἐναντίβιον πολεμίζειν.