Homer, Iliad, Book 21 38:

(호메로스, 일리아스, Book 21 38:)

ὣσ φάτο, μείδησεν δὲ θεὰ λευκώλενοσ Ἥρη. αὐτὰρ Ἀπόλλωνα προσέφη κρείων ἐνοσίχθων· Φοῖβε τί ἢ δὴ νῶϊ διέσταμεν; οὐδὲ ἐοίκεν ἀρξάντων ἑτέρων· τὸ μὲν αἴσχιον αἴ κ’ ἀμαχητὶ ἰόμεν Οὔλυμπον δὲ Διὸσ ποτὶ χαλκοβατὲσ δῶ. ἄρχε· σὺ γὰρ γενεῆφι νεώτεροσ· οὐ γὰρ ἔμοιγε καλόν, ἐπεὶ πρότεροσ γενόμην καὶ πλείονα οἶδα. νηπύτι’ ὡσ ἄνοον κραδίην ἔχεσ· οὐδέ νυ τῶν περ μέμνηαι ὅσα δὴ πάθομεν κακὰ Ἴλιον ἀμφὶ μοῦνοι νῶϊ θεῶν, ὅτ’ ἀγήνορι Λαομέδοντι πὰρ Διὸσ ἐλθόντεσ θητεύσαμεν εἰσ ἐνιαυτὸν μισθῷ ἔπι ῥητῷ· ὃ δὲ σημαίνων ἐπέτελλεν. ἤτοι ἐγὼ Τρώεσσι πόλιν πέρι τεῖχοσ ἔδειμα εὐρύ τε καὶ μάλα καλόν, ἵν’ ἄρρηκτοσ πόλισ εἰή· Φοῖβε σὺ δ’ εἰλίποδασ ἕλικασ βοῦσ βουκολέεσκεσ Ἴδησ ἐν κνημοῖσι πολυπτύχου ὑληέσσησ. ἀλλ’ ὅτε δὴ μισθοῖο τέλοσ πολυγηθέεσ ὡρ͂αι ἐξέφερον, τότε νῶϊ βιήσατο μισθὸν ἅπαντα Λαομέδων ἔκπαγλοσ, ἀπειλήσασ δ’ ἀπέπεμπε. σὺν μὲν ὅ γ’ ἠπείλησε πόδασ καὶ χεῖρασ ὕπερθε δήσειν, καὶ περάαν νήσων ἔπι τηλεδαπάων· στεῦτο δ’ ὅ γ’ ἀμφοτέρων ἀπολεψέμεν οὐάτα χαλκῷ. νῶϊ δὲ ἄψορροι κίομεν κεκοτηότι θυμῷ μισθοῦ χωόμενοι, τὸν ὑποστὰσ οὐκ ἐτέλεσσε. τοῦ δὴ νῦν λαοῖσι φέρεισ χάριν, οὐδὲ μεθ’ ἡμέων πειρᾷ ὥσ κε Τρῶεσ ὑπερφίαλοι ἀπόλωνται πρόχνυ κακῶσ σὺν παισὶ καὶ αἰδοίῃσ ἀλόχοισι τὸν δ’ αὖτε προσέειπεν ἄναξ ἑκάεργοσ Ἀπόλλων·

일치하는 문장이 없습니다.

SEARCH

MENU NAVIGATION