헬라어 문장 검색 - Ηομερ́ΙλιαδΓρ́21́0́016́

(호메로스, 일리아스, Book 21 16:)

ἦ ῥα, καὶ ἐκ κρημνοῖο ἐρύσσατο χάλκεον ἔγχοσ, τὸν δὲ κατ’ αὐτόθι λεῖπεν, ἐπεὶ φίλον ἦτορ ἀπηύρα, κείμενον ἐν ψαμάθοισι, δίαινε δέ μιν μέλαν ὕδωρ. τὸν μὲν ἄρ’ ἐγχέλυέσ τε καὶ ἰχθύεσ ἀμφεπένοντο δημὸν ἐρεπτόμενοι ἐπινεφρίδιον κείροντεσ· αὐτὰρ ὃ βῆ ῥ’ ἰέναι μετὰ Παίονασ ἱπποκορυστάσ, οἵ ῥ’ ἔτι πὰρ ποταμὸν πεφοβήατο δινήεντα, ὡσ εἶδον τὸν ἄριστον ἐνὶ κρατερῇ ὑσμίνῃ χέρσ’ ὕπο Πηλεί̈δαο καὶ ἀόρι ἶφι δαμέντα. ἔνθ’ ἕλε Θερσίλοχόν τε Μύδωνά τε Ἀστύπυλόν τε Μνῆσόν τε Θρασίον τε καὶ Αἴνιον ἠδ’ Ὀφελέστην· καί νύ κ’ ἔτι πλέονασ κτάνε Παίονασ ὠκὺσ Ἀχιλλεύσ, εἰ μὴ χωσάμενοσ προσέφη ποταμὸσ βαθυδίνησ ἀνέρι εἰσάμενοσ, βαθέησ δ’ ἐκ φθέγξατο δίνησ· ὦ Ἀχιλεῦ, περὶ μὲν κρατέεισ, περὶ δ’ αἴσυλα ῥέζεισ ἀνδρῶν· αἰεὶ γάρ τοι ἀμύνουσιν θεοὶ αὐτοί. εἴ τοι Τρῶασ ἔδωκε Κρόνου παῖσ πάντασ ὀλέσσαι, ἐξ ἐμέθεν γ’ ἐλάσασ πεδίον κάτα μέρμερα ῥέζε· πλήθει γὰρ δή μοι νεκύων ἐρατεινὰ ῥέεθρα, οὐδέ τί πῃ δύναμαι προχέειν ῥόον εἰσ ἅλα δῖαν στεινόμενοσ νεκύεσσι, σὺ δὲ κτείνεισ ἀϊδήλωσ. ἀλλ’ ἄγε δὴ καὶ ἐάσον· ἄγη μ’ ἔχει ὄρχαμε λαῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 21 16:

(호메로스, 일리아스, Book 21 16:)

상위

목록

SEARCH

MENU NAVIGATION