헬라어 문장 검색 - Ηομερ́ΙλιαδΓρ́21́0́009́

(호메로스, 일리아스, Book 21 9:)

ὣσ φάτο, τοῦ δ’ αὐτοῦ λύτο γούνατα καὶ φίλον ἦτορ· ἔγχοσ μέν ῥ’ ἀφέηκεν, ὃ δ’ ἕζετο χεῖρε πετάσσασ ἀμφοτέρασ· Ἀχιλεὺσ δὲ ἐρυσσάμενοσ ξίφοσ ὀξὺ τύψε κατὰ κληῖ̈δα παρ’ αὐχένα, πᾶν δέ οἱ εἴσω δῦ ξίφοσ ἄμφηκεσ· ὃ δ’ ἄρα πρηνὴσ ἐπὶ γαίῃ κεῖτο ταθείσ, ἐκ δ’ αἷμα μέλαν ῥέε, δεῦε δὲ γαῖαν. τὸν δ’ Ἀχιλεὺσ ποταμὸν δὲ λαβὼν ποδὸσ ἧκε φέρεσθαι, καί οἱ ἐπευχόμενοσ ἔπεα πτερόεντ’ ἀγόρευεν· ἐνταυθοῖ νῦν κεῖσο μετ’ ἰχθύσιν, οἵ σ’ ὠτειλὴν αἷμ’ ἀπολιχμήσονται ἀκηδέεσ· οὐδέ σε μήτηρ ἐνθεμένη λεχέεσσι γοήσεται, ἀλλὰ Σκάμανδροσ οἴσει δινήεισ εἴσω ἁλὸσ εὐρέα κόλπον· θρῴσκων τισ κατὰ κῦμα μέλαιναν φρῖχ’ ὑπαί̈ξει ἰχθύσ, ὅσ κε φάγῃσι Λυκάονοσ ἀργέτα δημόν. φθείρεσθ’ εἰσ ὅ κεν ἄστυ κιχείομεν Ἰλίου ἱρῆσ ὑμεῖσ μὲν φεύγοντεσ, ἐγὼ δ’ ὄπιθεν κεραί̈ζων. οὐδ’ ὑμῖν ποταμόσ περ ἐύ̈ρροοσ ἀργυροδίνησ ἀρκέσει, ᾧ δὴ δηθὰ πολέασ ἱερεύετε ταύρουσ, ζωοὺσ δ’ ἐν δίνῃσι καθίετε μώνυχασ ἵππουσ. ἀλλὰ καὶ ὧσ ὀλέεσθε κακὸν μόρον, εἰσ ὅ κε πάντεσ τίσετε Πατρόκλοιο φόνον καὶ λοιγὸν Ἀχαιῶν, οὓσ ἐπὶ νηυσὶ θοῇσιν ἐπέφνετε νόσφιν ἐμεῖο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 21 9:

(호메로스, 일리아스, Book 21 9:)

상위

목록

SEARCH

MENU NAVIGATION