헬라어 문장 검색 - Ηομερ́ΙλιαδΓρ́20́0́020́

(호메로스, 일리아스, Book 20 20:)

οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντεσ, τὸν πρότεροσ προσέειπε ποδάρκησ δῖοσ Ἀχιλλεύσ· Αἰνεία τί σὺ τόσσον ὁμίλου πολλὸν ἐπελθὼν ἔστησ; ἦ σέ γε θυμὸσ ἐμοὶ μαχέσασθαι ἀνώγει ἐλπόμενον Τρώεσσιν ἀνάξειν ἱπποδάμοισι τιμῆσ τῆσ Πριάμου; ἀτὰρ εἴ κεν ἔμ’ ἐξεναρίξῃσ, οὔ τοι τοὔνεκά γε Πρίαμοσ γέρασ ἐν χερὶ θήσει· εἰσὶν γάρ οἱ παῖδεσ, ὃ δ’ ἔμπεδοσ οὐδ’ ἀεσίφρων. ἦ νύ τί τοι Τρῶεσ τέμενοσ τάμον ἔξοχον ἄλλων καλὸν φυταλιῆσ καὶ ἀρούρησ, ὄφρα νέμηαι αἴ κεν ἐμὲ κτείνῃσ; χαλεπῶσ δέ σ’ ἐόλπα τὸ ῥέξειν. ἤδη μὲν σέ γέ φημι καὶ ἄλλοτε δουρὶ φοβῆσαι. ἦ οὐ μέμνῃ ὅτε πέρ σε βοῶν ἄπο μοῦνον ἐόντα σεῦα κατ’ Ἰδαίων ὀρέων ταχέεσσι πόδεσσι καρπαλίμωσ; τότε δ’ οὔ τι μετατροπαλίζεο φεύγων. ἔνθεν δ’ ἐσ Λυρνησσὸν ὑπέκφυγεσ· αὐτὰρ ἐγὼ τὴν πέρσα μεθορμηθεὶσ σὺν Ἀθήνῃ καὶ Διὶ πατρί, ληϊάδασ δὲ γυναῖκασ ἐλεύθερον ἦμαρ ἀπούρασ ἦγον· ἀτὰρ σὲ Ζεὺσ ἐρρύσατο καὶ θεοὶ ἄλλοι. ἀλλ’ οὐ νῦν ἐρύεσθαι ὀί̈ομαι, ὡσ ἐνὶ θυμῷ βάλλεαι· ἀλλά σ’ ἔγωγ’ ἀναχωρήσαντα κελεύω ἐσ πληθὺν ἰέναι, μηδ’ ἀντίοσ ἵστασ’ ἐμεῖο, πρίν τι κακὸν παθέειν· ῥεχθὲν δέ τε νήπιοσ ἔγνω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 20 20:

(호메로스, 일리아스, Book 20 20:)

상위

목록

SEARCH

MENU NAVIGATION