헬라어 문장 검색 - Ηομερ́ΙλιαδΓρ́20́0́011́

(호메로스, 일리아스, Book 20 11:)

τὸν δ’ αὖτ’ Αἰνείασ ἀπαμειβόμενοσ προσέειπε· Πριαμίδη τί με ταῦτα καὶ οὐκ ἐθέλοντα κελεύεισ ἀντία Πηλεί̈ωνοσ ὑπερθύμοιο μάχεσθαι; οὐ μὲν γὰρ νῦν πρῶτα ποδώκεοσ ἄντ’ Ἀχιλῆοσ στήσομαι, ἀλλ’ ἤδη με καὶ ἄλλοτε δουρὶ φόβησεν ἐξ Ἴδησ, ὅτε βουσὶν ἐπήλυθεν ἡμετέρῃσι, πέρσε δὲ Λυρνησσὸν καὶ Πήδασον· αὐτὰρ ἐμὲ Ζεὺσ εἰρύσαθ’, ὅσ μοι ἐπῶρσε μένοσ λαιψηρά τε γοῦνα. ἦ κ’ ἐδάμην ὑπὸ χερσὶν Ἀχιλλῆοσ καὶ Ἀθήνησ, ἥ οἱ πρόσθεν ἰοῦσα τίθει φάοσ ἠδ’ ἐκέλευεν ἔγχεϊ χαλκείῳ Λέλεγασ καὶ Τρῶασ ἐναίρειν. τὼ οὐκ ἔστ’ Ἀχιλῆοσ ἐναντίον ἄνδρα μάχεσθαι· αἰεὶ γὰρ πάρα εἷσ γε θεῶν ὃσ λοιγὸν ἀμύνει. καὶ δ’ ἄλλωσ τοῦ γ’ ἰθὺ βέλοσ πέτετ’, οὐδ’ ἀπολήγει πρὶν χροὸσ ἀνδρομέοιο διελθέμεν. εἰ δὲ θεόσ περ ἶσον τείνειεν πολέμου τέλοσ, οὔ κε μάλα ῥέα νικήσει’, οὐδ’ εἰ παγχάλκεοσ εὔχεται εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 20 11:

(호메로스, 일리아스, Book 20 11:)

상위

목록

SEARCH

MENU NAVIGATION