헬라어 문장 검색 - Ηομερ́ΙλιαδΓρ́19́0́029́

(호메로스, 일리아스, Book 19 29:)

ὣσ εἰπὼν ὄτρυνε πάροσ μεμαυῖαν Ἀθήνην· ἣ δ’ ἁρ́πῃ ἐϊκυῖα τανυπτέρυγι λιγυφώνῳ οὐρανοῦ ἐκκατεπᾶλτο δι’ αἰθέροσ. αὐτὰρ Ἀχαιοὶ αὐτίκα θωρήσσοντο κατὰ στρατόν· ἣ δ’ Ἀχιλῆϊ νέκταρ ἐνὶ στήθεσσι καὶ ἀμβροσίην ἐρατεινὴν στάξ’, ἵνα μή μιν λιμὸσ ἀτερπὴσ γούναθ’ ἵκοιτο· αὐτὴ δὲ πρὸσ πατρὸσ ἐρισθενέοσ πυκινὸν δῶ ᾤχετο, τοὶ δ’ ἀπάνευθε νεῶν ἐχέοντο θοάων. ὡσ δ’ ὅτε ταρφειαὶ νιφάδεσ Διὸσ ἐκποτέονται ψυχραὶ ὑπὸ ῥιπῆσ αἰθρηγενέοσ Βορέαο, ὣσ τότε ταρφειαὶ κόρυθεσ λαμπρὸν γανόωσαι νηῶν ἐκφορέοντο καὶ ἀσπίδεσ ὀμφαλόεσσαι θώρηκέσ τε κραταιγύαλοι καὶ μείλινα δοῦρα. αἴγλη δ’ οὐρανὸν ἷκε, γέλασσε δὲ πᾶσα περὶ χθὼν χαλκοῦ ὑπὸ στεροπῆσ· ὑπὸ δὲ κτύποσ ὄρνυτο ποσσὶν ἀνδρῶν· ἐν δὲ μέσοισι κορύσσετο δῖοσ Ἀχιλλεύσ. τοῦ καὶ ὀδόντων μὲν καναχὴ πέλε, τὼ δέ οἱ ὄσσε λαμπέσθην ὡσ εἴ τε πυρὸσ σέλασ, ἐν δέ οἱ ἦτορ δῦν’ ἄχοσ ἄτλητον· ὃ δ’ ἄρα Τρωσὶν μενεαίνων δύσετο δῶρα θεοῦ, τά οἱ Ἥφαιστοσ κάμε τεύχων. κνημῖδασ μὲν πρῶτα περὶ κνήμῃσιν ἔθηκε καλὰσ ἀργυρέοισιν ἐπισφυρίοισ ἀραρυίασ· δεύτερον αὖ θώρηκα περὶ στήθεσσιν ἔδυνεν. ἀμφὶ δ’ ἄρ’ ὤμοισιν βάλετο ξίφοσ ἀργυρόηλον χάλκεον· αὐτὰρ ἔπειτα σάκοσ μέγα τε στιβαρόν τε εἵλετο, τοῦ δ’ ἀπάνευθε σέλασ γένετ’ ἠύ̈τε μήνησ. ὡσ δ’ ὅτ’ ἂν ἐκ πόντοιο σέλασ ναύτῃσι φανήῃ καιομένοιο πυρόσ, τό τε καίεται ὑψόθ’ ὄρεσφι σταθμῷ ἐν οἰοπόλῳ· τοὺσ δ’ οὐκ ἐθέλοντασ ἀέλλαι πόντον ἐπ’ ἰχθυόεντα φίλων ἀπάνευθε φέρουσιν· ὣσ ἀπ’ Ἀχιλλῆοσ σάκεοσ σέλασ αἰθέρ’ ἵκανε καλοῦ δαιδαλέου· περὶ δὲ τρυφάλειαν ἀείρασ κρατὶ θέτο βριαρήν· ἣ δ’ ἀστὴρ ὣσ ἀπέλαμπεν ἵππουρισ τρυφάλεια, περισσείοντο δ’ ἔθειραι χρύσεαι, ἃσ Ἥφαιστοσ ἱεί λόφον ἀμφὶ θαμειάσ. πειρήθη δ’ ἑό αὐτοῦ ἐν ἔντεσι δῖοσ Ἀχιλλεύσ, εἰ οἷ ἐφαρμόσσειε καὶ ἐντρέχοι ἀγλαὰ γυῖα· τῷ δ’ εὖτε πτερὰ γίγνετ’, ἀείρε δὲ ποιμένα λαῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 19 29:

(호메로스, 일리아스, Book 19 29:)

상위

목록

SEARCH

MENU NAVIGATION