헬라어 문장 검색 - Ηομερ́ΙλιαδΓρ́19́0́017́

(호메로스, 일리아스, Book 19 17:)

τὸν δ’ ἀπαμειβόμενοσ προσέφη πολύμητισ Ὀδυσσεύσ· ὦ Ἀχιλεῦ Πηλῆοσ υἱὲ μέγα φέρτατ’ Ἀχαιῶν, κρείσσων εἰσ ἐμέθεν καὶ φέρτεροσ οὐκ ὀλίγον περ ἔγχει, ἐγὼ δέ κε σεῖο νοήματί γε προβαλοίμην πολλόν, ἐπεὶ πρότεροσ γενόμην καὶ πλείονα οἶδα. τώ τοι ἐπιτλήτω κραδίη μύθοισιν ἐμοῖσιν. αἶψά τε φυλόπιδοσ πέλεται κόροσ ἀνθρώποισιν, ἧσ τε πλείστην μὲν καλάμην χθονὶ χαλκὸσ ἔχευεν, ἄμητοσ δ’ ὀλίγιστοσ, ἐπὴν κλίνῃσι τάλαντα Ζεύσ, ὅσ τ’ ἀνθρώπων ταμίησ πολέμοιο τέτυκται. γαστέρι δ’ οὔ πωσ ἔστι νέκυν πενθῆσαι Ἀχαιούσ· λίην γὰρ πολλοὶ καὶ ἐπήτριμοι ἤματα πάντα πίπτουσιν· πότε κέν τισ ἀναπνεύσειε πόνοιο; ἀλλὰ χρὴ τὸν μὲν καταθάπτειν ὅσ κε θάνῃσι νηλέα θυμὸν ἔχοντασ ἐπ’ ἤματι δακρύσαντασ· ὅσσοι δ’ ἂν πολέμοιο περὶ στυγεροῖο λίπωνται μεμνῆσθαι πόσιοσ καὶ ἐδητύοσ, ὄφρ’ ἔτι μᾶλλον ἀνδράσι δυσμενέεσσι μαχώμεθα νωλεμὲσ αἰεὶ ἑσσάμενοι χροὶ̈ χαλκὸν ἀτειρέα. μηδέ τισ ἄλλην λαῶν ὀτρυντὺν ποτιδέγμενοσ ἰσχαναάσθω· ἥδε γὰρ ὀτρυντὺσ κακὸν ἔσσεται ὅσ κε λίπηται νηυσὶν ἐπ’ Ἀργείων· ἀλλ’ ἀθρόοι ὁρμηθέντεσ Τρωσὶν ἐφ’ ἱπποδάμοισιν ἐγείρομεν ὀξὺν Ἄρηα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 19 17:

(호메로스, 일리아스, Book 19 17:)

상위

목록

SEARCH

MENU NAVIGATION