헬라어 문장 검색 - Ηομερ́ΙλιαδΓρ́18́0́004́

(호메로스, 일리아스, Book 18 4:)

ὣσ φάτο, τὸν δ’ ἄχεοσ νεφέλη ἐκάλυψε μέλαινα· ἀμφοτέρῃσι δὲ χερσὶν ἑλὼν κόνιν αἰθαλόεσσαν χεύατο κὰκ κεφαλῆσ, χαρίεν δ’ ᾔσχυνε πρόσωπον· νεκταρέῳ δὲ χιτῶνι μέλαιν’ ἀμφίζανε τέφρη. αὐτὸσ δ’ ἐν κονίῃσι μέγασ μεγαλωστὶ τανυσθεὶσ κεῖτο, φίλῃσι δὲ χερσὶ κόμην ᾔσχυνε δαί̈ζων. δμῳαὶ δ’ ἃσ Ἀχιλεὺσ ληί̈σσατο Πάτροκλόσ τε θυμὸν ἀκηχέμεναι μεγάλ’ ἰάχον, ἐκ δὲ θύραζε ἔδραμον ἀμφ’ Ἀχιλῆα δαί̈φρονα, χερσὶ δὲ πᾶσαι στήθεα πεπλήγοντο, λύθεν δ’ ὑπὸ γυῖα ἑκάστησ. Ἀντίλοχοσ δ’ ἑτέρωθεν ὀδύρετο δάκρυα λείβων χεῖρασ ἔχων Ἀχιλῆοσ· ὃ δ’ ἔστενε κυδάλιμον κῆρ· δείδιε γὰρ μὴ λαιμὸν ἀπαμήσειε σιδήρῳ. σμερδαλέον δ’ ᾤμωξεν· ἄκουσε δὲ πότνια μήτηρ ἡμένη ἐν βένθεσσιν ἁλὸσ παρὰ πατρὶ γέροντι, κώκυσέν τ’ ἄρ’ ἔπειτα· θεαὶ δέ μιν ἀμφαγέροντο πᾶσαι ὅσαι κατὰ βένθοσ ἁλὸσ Νηρηί̈δεσ ἦσαν. ἔνθ’ ἄρ’ ἐήν Γλαύκη τε Θάλειά τε Κυμοδόκη τε Νησαίη Σπειώ τε Θόη θ’ Ἁλίη τε βοῶπισ Κυμοθόη τε καὶ Ἀκταίη καὶ Λιμνώρεια καὶ Μελίτη καὶ Ιαἴρα καὶ Ἀμφιθόη καὶ Ἀγαυὴ Δωτώ τε Πρωτώ τε Φέρουσά τε Δυναμένη τε Δεξαμένη τε καὶ Ἀμφινόμη καὶ Καλλιάνειρα Δωρὶσ καὶ Πανόπη καὶ ἀγακλειτὴ Γαλάτεια Νημερτήσ τε καὶ Ἀψευδὴσ καὶ Καλλιάνασσα· ἔνθα δ’ ἐήν Κλυμένη Ιἄνειρά τε καὶ Ιἄνασσα Μαῖρα καὶ Ὠρείθυια ἐϋπλόκαμόσ τ’ Ἀμάθεια ἄλλαι θ’ αἳ κατὰ βένθοσ ἁλὸσ Νηρηί̈δεσ ἦσαν. τῶν δὲ καὶ ἀργύφεον πλῆτο σπέοσ· αἳ δ’ ἅμα πᾶσαι στήθεα πεπλήγοντο, Θέτισ δ’ ἐξῆρχε γόοιο· κλῦτε κασίγνηται Νηρηί̈δεσ, ὄφρ’ ἐὺ̈ πᾶσαι εἴδετ’ ἀκούουσαι ὅσ’ ἐμῷ ἔνι κήδεα θυμῷ. ὤ μοι ἐγὼ δειλή, ὤ μοι δυσαριστοτόκεια, ἥ τ’ ἐπεὶ ἂρ τέκον υἱὸν ἀμύμονά τε κρατερόν τε ἔξοχον ἡρώων· ὃ δ’ ἀνέδραμεν ἔρνεϊ ἶσοσ· τὸν μὲν ἐγὼ θρέψασα φυτὸν ὣσ γουνῷ ἀλωῆσ νηυσὶν ἐπιπροέηκα κορωνίσιν Ἴλιον εἴσω Τρωσὶ μαχησόμενον· τὸν δ’ οὐχ ὑποδέξομαι αὖτισ οἴκαδε νοστήσαντα δόμον Πηλήϊον εἴσω. ὄφρα δέ μοι ζώει καὶ ὁρᾷ φάοσ ἠελίοιο ἄχνυται, οὐδέ τί οἱ δύναμαι χραισμῆσαι ἰοῦσα. ἀλλ’ εἶμ’, ὄφρα ἴδωμι φίλον τέκοσ, ἠδ’ ἐπακούσω ὅττί μιν ἵκετο πένθοσ ἀπὸ πτολέμοιο μένοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 4:

(호메로스, 일리아스, Book 18 4:)

상위

목록

SEARCH

MENU NAVIGATION