Homer, Iliad, Book 16 13:

Μυρμιδόνας δ ἄρ ἐποιχόμενος θώρηξεν Ἀχιλλεὺς πάντας ἀνὰ κλισίας σὺν τεύχεσιν:? οἳ δὲ λύκοι ὣς ὠμοφάγοι, τοῖσίν τε περὶ φρεσὶν ἄσπετος ἀλκή, οἵ τ ἔλαφον κεραὸν μέγαν οὔρεσι δῃώσαντες δάπτουσιν: πᾶσιν δὲ παρήϊον αἵματι φοινόν: καί τ ἀγεληδὸν ἰάσιν ἀπὸ κρήνης μελανύδρου λάψοντες γλώσσῃσιν ἀραιῇσιν μέλαν ὕδωρ ἄκρον ἐρευγόμενοι φόνον αἵματος: ἐν δέ τε θυμὸς στήθεσιν ἄτρομός ἐστι, περιστένεται δέ τε γαστήρ: τοῖοι Μυρμιδόνων ἡγήτορες ἠδὲ μέδοντες ἀμφ ἀγαθὸν θεράποντα ποδώκεος Αἰακίδαο ῥώοντ: ἐν δ ἄρα τοῖσιν ἀρήϊος ἵστατ Ἀχιλλεύς, ὀτρύνων ἵππους τε καὶ ἀνέρας ἀσπιδιώτας.?