Homer, Iliad, Book 14 26:

(호메로스, 일리아스, Book 14 26:)

τὴν δ’ ἀπαμειβόμενοσ προσεφώνεε νήδυμοσ Ὕπνοσ· Ἥρη πρέσβα θεὰ θύγατερ μεγάλοιο Κρόνοιο ἄλλον μέν κεν ἔγωγε θεῶν αἰειγενετάων ῥεῖα κατευνήσαιμι, καὶ ἂν ποταμοῖο ῥέεθρα Ὠκεανοῦ, ὅσ περ γένεσισ πάντεσσι τέτυκται· Ζηνὸσ δ’ οὐκ ἂν ἔγωγε Κρονίονοσ ἆσσον ἱκοίμην οὐδὲ κατευνήσαιμ’, ὅτε μὴ αὐτόσ γε κελεύοι. ἤδη γάρ με καὶ ἄλλο τεὴ ἐπίνυσσεν ἐφετμὴ ἤματι τῷ ὅτε κεῖνοσ ὑπέρθυμοσ Διὸσ υἱὸσ ἔπλεεν Ἰλιόθεν Τρώων πόλιν ἐξαλαπάξασ. ἤτοι ἐγὼ μὲν ἔλεξα Διὸσ νόον αἰγιόχοιο νήδυμοσ ἀμφιχυθείσ· σὺ δέ οἱ κακὰ μήσαο θυμῷ ὄρσασ’ ἀργαλέων ἀνέμων ἐπὶ πόντον ἀήτασ, καί μιν ἔπειτα Κόων δ’ εὖ ναιομένην ἀπένεικασ νόσφι φίλων πάντων. ὃ δ’ ἐπεγρόμενοσ χαλέπαινε ῥιπτάζων κατὰ δῶμα θεούσ, ἐμὲ δ’ ἔξοχα πάντων ζήτει· καί κέ μ’ ἀί̈στον ἀπ’ αἰθέροσ ἔμβαλε πόντῳ, εἰ μὴ Νὺξ δμήτειρα θεῶν ἐσάωσε καὶ ἀνδρῶν· τὴν ἱκόμην φεύγων, ὃ δ’ ἐπαύσατο χωόμενόσ περ. ἅζετο γὰρ μὴ Νυκτὶ θοῇ ἀποθύμια ἑρ́δοι. νῦν αὖ τοῦτό μ’ ἄνωγασ ἀμήχανον ἄλλο τελέσσαι.

일치하는 문장이 없습니다.

SEARCH

MENU NAVIGATION