헬라어 문장 검색 - Ηομερ́ΙλιαδΓρ́12́0́032́

(호메로스, 일리아스, Book 12 32:)

ὣσ ἔφαθ’, οἳ δὲ ἄνακτοσ ὑποδείσαντεσ ὁμοκλὴν μᾶλλον ἐπέβρισαν βουληφόρον ἀμφὶ ἄνακτα. Ἀργεῖοι δ’ ἑτέρωθεν ἐκαρτύναντο φάλαγγασ τείχεοσ ἔντοσθεν, μέγα δέ σφισι φαίνετο ἔργον· οὔτε γὰρ ἴφθιμοι Λύκιοι Δαναῶν ἐδύναντο τεῖχοσ ῥηξάμενοι θέσθαι παρὰ νηυσὶ κέλευθον, οὔτέ ποτ’ αἰχμηταὶ Δαναοὶ Λυκίουσ ἐδύναντο τείχεοσ ἂψ ὤσασθαι, ἐπεὶ τὰ πρῶτα πέλασθεν. ἀλλ’ ὥσ τ’ ἀμφ’ οὔροισι δύ’ ἀνέρε δηριάασθον μέτρ’ ἐν χερσὶν ἔχοντεσ ἐπιξύνῳ ἐν ἀρούρῃ, ὥ τ’ ὀλίγῳ ἐνὶ χώρῳ ἐρίζητον περὶ ἴσησ, ὣσ ἄρα τοὺσ διέεργον ἐπάλξιεσ· οἳ δ’ ὑπὲρ αὐτέων δῄουν ἀλλήλων ἀμφὶ στήθεσσι βοείασ ἀσπίδασ εὐκύκλουσ λαισήϊά τε πτερόεντα. πολλοὶ δ’ οὐτάζοντο κατὰ χρόα νηλέϊ χαλκῷ, ἠμὲν ὅτεῳ στρεφθέντι μετάφρενα γυμνωθείη μαρναμένων, πολλοὶ δὲ διαμπερὲσ ἀσπίδοσ αὐτῆσ. πάντῃ δὴ πύργοι καὶ ἐπάλξιεσ αἵματι φωτῶν ἐρράδατ’ ἀμφοτέρωθεν ἀπὸ Τρώων καὶ Ἀχαιῶν. ἀλλ’ οὐδ’ ὧσ ἐδύναντο φόβον ποιῆσαι Ἀχαιῶν, ἀλλ’ ἔχον ὥσ τε τάλαντα γυνὴ χερνῆτισ ἀληθήσ, ἥ τε σταθμὸν ἔχουσα καὶ εἴριον ἀμφὶσ ἀνέλκει ἰσάζουσ’, ἵνα παισὶν ἀεικέα μισθὸν ἄρηται· ὣσ μὲν τῶν ἐπὶ ἶσα μάχη τέτατο πτόλεμόσ τε, πρίν γ’ ὅτε δὴ Ζεὺσ κῦδοσ ὑπέρτερον Ἕκτορι δῶκε Πριαμίδῃ, ὃσ πρῶτοσ ἐσήλατο τεῖχοσ Ἀχαιῶν. ἠύ̈σεν δὲ διαπρύσιον Τρώεσσι γεγωνώσ· ὄρνυσθ’ ἱππόδαμοι Τρῶεσ, ῥήγνυσθε δὲ τεῖχοσ Ἀργείων καὶ νηυσὶν ἐνίετε θεσπιδαὲσ πῦρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 12 32:

(호메로스, 일리아스, Book 12 32:)

상위

목록

SEARCH

MENU NAVIGATION