헬라어 문장 검색 - Ηομερ́ΙλιαδΓρ́12́0́029́

(호메로스, 일리아스, Book 12 29:)

Αἰάσ δὲ πρῶτοσ Τελαμώνιοσ ἄνδρα κατέκτα Σαρπήδοντοσ ἑταῖρον Ἐπικλῆα μεγάθυμον μαρμάρῳ ὀκριόεντι βαλών, ὅ ῥα τείχεοσ ἐντὸσ κεῖτο μέγασ παρ’ ἔπαλξιν ὑπέρτατοσ· οὐδέ κέ μιν ῥέα χείρεσσ’ ἀμφοτέρῃσ ἔχοι ἀνὴρ οὐδὲ μάλ’ ἡβῶν, οἱοῖ νῦν βροτοί εἰσ’· ὃ δ’ ἄρ’ ὑψόθεν ἔμβαλ’ ἀείρασ, θλάσσε δὲ τετράφαλον κυνέην, σὺν δ’ ὀστέ’ ἄραξε πάντ’ ἄμυδισ κεφαλῆσ· ὃ δ’ ἄρ’ ἀρνευτῆρι ἐοικὼσ κάππεσ’ ἀφ’ ὑψηλοῦ πύργου, λίπε δ’ ὀστέα θυμόσ. Τεῦκροσ δὲ Γλαῦκον κρατερὸν παῖδ’ Ἱππολόχοιο ἰῷ ἐπεσσύμενον βάλε τείχεοσ ὑψηλοῖο, ᾗ ῥ’ ἴδε γυμνωθέντα βραχίονα, παῦσε δὲ χάρμησ. ἂψ δ’ ἀπὸ τείχεοσ ἆλτο λαθών, ἵνα μή τισ Ἀχαιῶν βλήμενον ἀθρήσειε καὶ εὐχετόῳτ’ ἐπέεσσι. Σαρπήδοντι δ’ ἄχοσ γένετο Γλαύκου ἀπιόντοσ αὐτίκ’ ἐπεί τ’ ἐνόησεν· ὅμωσ δ’ οὐ λήθετο χάρμησ, ἀλλ’ ὅ γε Θεστορίδην Ἀλκμάονα δουρὶ τυχήσασ νύξ’, ἐκ δ’ ἔσπασεν ἔγχοσ· ὃ δ’ ἑσπόμενοσ πέσε δουρὶ πρηνήσ, ἀμφὶ δέ οἱ βράχε τεύχεα ποικίλα χαλκῷ, Σαρπηδὼν δ’ ἄρ’ ἔπαλξιν ἑλὼν χερσὶ στιβαρῇσιν ἕλχ’, ἣ δ’ ἕσπετο πᾶσα διαμπερέσ, αὐτὰρ ὕπερθε τεῖχοσ ἐγυμνώθη, πολέεσσι δὲ θῆκε κέλευθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 12 29:

(호메로스, 일리아스, Book 12 29:)

상위

목록

SEARCH

MENU NAVIGATION