Homer, Iliad, Book 12 24:

(호메로스, 일리아스, Book 12 24:)

ὣσ ἔφατ’, οὐδὲ Γλαῦκοσ ἀπετράπετ’ οὐδ’ ἀπίθησε· τὼ δ’ ἰθὺσ βήτην Λυκίων μέγα ἔθνοσ ἄγοντε. τοὺσ δὲ ἰδὼν ῥίγησ’ υἱὸσ Πετεῶο Μενεσθεύσ· τοῦ γὰρ δὴ πρὸσ πύργον ἴσαν κακότητα φέροντεσ. πάπτηνεν δ’ ἀνὰ πύργον Ἀχαιῶν εἴ τιν’ ἴδοιτο ἡγεμόνων, ὅσ τίσ οἱ ἀρὴν ἑτάροισιν ἀμύναι· ἐσ δ’ ἐνόησ’ Αἰάντε δύω πολέμου ἀκορήτω ἑσταότασ, Τεῦκρόν τε νέον κλισίηθεν ἰόντα ἐγγύθεν· ἀλλ’ οὔ πώσ οἱ ἐήν βώσαντι γεγωνεῖν· τόσσοσ γὰρ κτύποσ ἠε͂ν, ἀϋτὴ δ’ οὐρανὸν ἷκε, βαλλομένων σακέων τε καὶ ἱπποκόμων τρυφαλειῶν καὶ πυλέων· πᾶσαι γὰρ ἐπώχατο, τοὶ δὲ κατ’ αὐτὰσ ἱστάμενοι πειρῶντο βίῃ ῥήξαντεσ ἐσελθεῖν. αἶψα δ’ ἐπ’ Αἰάντα προί̈ει κήρυκα Θοώτην· ἔρχεο δῖε Θοῶτα, θέων Αἰάντα κάλεσσον, ἀμφοτέρω μὲν μᾶλλον· ὃ γάρ κ’ ὄχ’ ἄριστον ἁπάντων εἰή, ἐπεὶ τάχα τῇδε τετεύξεται αἰπὺσ ὄλεθροσ. ὧδε γὰρ ἔβρισαν Λυκίων ἀγοί, οἳ τὸ πάροσ περ ζαχρηεῖσ τελέθουσι κατὰ κρατερὰσ ὑσμίνασ. εἰ δέ σφιν καὶ κεῖθι πόνοσ καὶ νεῖκοσ ὄρωρεν, ἀλλά περ οἰο͂σ ἴτω Τελαμώνιοσ ἄλκιμοσ Αἰάσ, καί οἱ Τεῦκροσ ἅμα σπέσθω τόξων ἐὺ̈ εἰδώσ.

일치하는 문장이 없습니다.

SEARCH

MENU NAVIGATION