Homer, Iliad, Book 12 21:

(호메로스, 일리아스, Book 12 21:)

ὣσ τώ γε προβοῶντε μάχην ὄτρυνον Ἀχαιῶν. τῶν δ’, ὥσ τε νιφάδεσ χιόνοσ πίπτωσι θαμειαὶ ἤματι χειμερίῳ, ὅτε τ’ ὤρετο μητίετα Ζεὺσ νιφέμεν ἀνθρώποισι πιφαυσκόμενοσ τὰ ἃ κῆλα· κοιμήσασ δ’ ἀνέμουσ χέει ἔμπεδον, ὄφρα καλύψῃ ὑψηλῶν ὀρέων κορυφὰσ καὶ πρώονασ ἄκρουσ καὶ πεδία λωτοῦντα καὶ ἀνδρῶν πίονα ἔργα, καί τ’ ἐφ’ ἁλὸσ πολιῆσ κέχυται λιμέσιν τε καὶ ἀκταῖσ, κῦμα δέ μιν προσπλάζον ἐρύκεται· ἄλλά τε πάντα εἴλυται καθύπερθ’, ὅτ’ ἐπιβρίσῃ Διὸσ ὄμβροσ· ὣσ τῶν ἀμφοτέρωσε λίθοι πωτῶντο θαμειαί, αἱ μὲν ἄρ’ ἐσ Τρῶασ, αἱ δ’ ἐκ Τρώων ἐσ Ἀχαιούσ, βαλλομένων· τὸ δὲ τεῖχοσ ὕπερ πᾶν δοῦποσ ὀρώρει.

일치하는 문장이 없습니다.

SEARCH

MENU NAVIGATION