Homer, Iliad, Book 12 19:

ἀμφοτέρω δ’ Αἰάντε κελευτιόωντ’ ἐπὶ πύργων πάντοσε φοιτήτην μένοσ ὀτρύνοντεσ Ἀχαιῶν. ἄλλον μειλιχίοισ, ἄλλον στερεοῖσ ἐπέεσσι νείκεον, ὅν τινα πάγχυ μάχησ μεθιέντα ἴδοιεν· ὦ φίλοι Ἀργείων ὅσ τ’ ἔξοχοσ ὅσ τε μεσήεισ ὅσ τε χερειότεροσ, ἐπεὶ οὔ πω πάντεσ ὁμοῖοι ἀνέρεσ ἐν πολέμῳ, νῦν ἔπλετο ἔργον ἅπασι· καὶ δ’ αὐτοὶ τόδε που γιγνώσκετε. μή τισ ὀπίσσω τετράφθω ποτὶ νῆασ ὁμοκλητῆροσ ἀκούσασ, ἀλλὰ πρόσω ἱέσθε καὶ ἀλλήλοισι κέλεσθε, αἴ κε Ζεὺσ δώῃσιν Ὀλύμπιοσ ἀστεροπητὴσ νεῖκοσ ἀπωσαμένουσ δηί̈ουσ προτὶ ἄστυ δίεσθαι.