헬라어 문장 검색 - Ηομερ́ΙλιαδΓρ́12́0́015́

(호메로스, 일리아스, Book 12 15:)

ὄφρ’ οἳ τοὺσ ἐνάριζον ἀπ’ ἔντεα μαρμαίροντα, τόφρ’ οἳ Πουλυδάμαντι καὶ Ἕκτορι κοῦροι ἕποντο, οἳ πλεῖστοι καὶ ἄριστοι ἔσαν, μέμασαν δὲ μάλιστα τεῖχόσ τε ῥήξειν καὶ ἐνιπρήσειν πυρὶ νῆασ, οἵ ῥ’ ἔτι μερμήριζον ἐφεσταότεσ παρὰ τάφρῳ. ὄρνισ γάρ σφιν ἐπῆλθε περησέμεναι μεμαῶσιν αἰετὸσ ὑψιπέτησ ἐπ’ ἀριστερὰ λαὸν ἐέργων φοινήεντα δράκοντα φέρων ὀνύχεσσι πέλωρον ζωὸν ἔτ’ ἀσπαίροντα, καὶ οὔ πω λήθετο χάρμησ, κόψε γὰρ αὐτὸν ἔχοντα κατὰ στῆθοσ παρὰ δειρὴν ἰδνωθεὶσ ὀπίσω· ὃ δ’ ἀπὸ ἕθεν ἧκε χαμᾶζε ἀλγήσασ ὀδύνῃσι, μέσῳ δ’ ἐνὶ κάββαλ’ ὁμίλῳ, αὐτὸσ δὲ κλάγξασ πέτετο πνοιῇσ ἀνέμοιο. Τρῶεσ δ’ ἐρρίγησαν ὅπωσ ἴδον αἰόλον ὄφιν κείμενον ἐν μέσσοισι Διὸσ τέρασ αἰγιόχοιο. δὴ τότε Πουλυδάμασ θρασὺν Ἕκτορα εἶπε παραστάσ· Ἕκτορ ἀεὶ μέν πώσ μοι ἐπιπλήσσεισ ἀγορῇσιν ἐσθλὰ φραζομένῳ, ἐπεὶ οὐδὲ μὲν οὐδὲ ἐοίκε δῆμον ἐόντα παρὲξ ἀγορευέμεν, οὔτ’ ἐνὶ βουλῇ οὔτέ ποτ’ ἐν πολέμῳ, σὸν δὲ κράτοσ αἰὲν ἀέξειν· νῦν αὖτ’ ἐξερέω ὥσ μοι δοκεῖ εἶναι ἄριστα. μὴ ἰόμεν Δαναοῖσι μαχησόμενοι περὶ νηῶν. ὧδε γὰρ ἐκτελέεσθαι ὀί̈ομαι, εἰ ἐτεόν γε Τρωσὶν ὅδ’ ὄρνισ ἦλθε περησέμεναι μεμαῶσιν αἰετὸσ ὑψιπέτησ ἐπ’ ἀριστερὰ λαὸν ἐέργων φοινήεντα δράκοντα φέρων ὀνύχεσσι πέλωρον ζωόν· ἄφαρ δ’ ἀφέηκε πάροσ φίλα οἰκί’ ἱκέσθαι, οὐδ’ ἐτέλεσσε φέρων δόμεναι τεκέεσσιν ἑοῖσιν. ὣσ ἡμεῖσ, εἴ πέρ τε πύλασ καὶ τεῖχοσ Ἀχαιῶν ῥηξόμεθα σθένεϊ μεγάλῳ, εἴξωσι δ’ Ἀχαιοί, οὐ κόσμῳ παρὰ ναῦφιν ἐλευσόμεθ’ αὐτὰ κέλευθα· πολλοὺσ γὰρ Τρώων καταλείψομεν, οὕσ κεν Ἀχαιοὶ χαλκῷ δῃώσωσιν ἀμυνόμενοι περὶ νηῶν. ὧδέ χ’ ὑποκρίναιτο θεοπρόποσ, ὃσ σάφα θυμῷ εἰδείη τεράων καί οἱ πειθοίατο λαοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 12 15:

(호메로스, 일리아스, Book 12 15:)

상위

목록

SEARCH

MENU NAVIGATION