헬라어 문장 검색 - Ηομερ́ΙλιαδΓρ́12́0́004́

(호메로스, 일리아스, Book 12 4:)

ὣσ ἄρ’ ἔμελλον ὄπισθε Ποσειδάων καὶ Ἀπόλλων θησέμεναι· τότε δ’ ἀμφὶ μάχη ἐνοπή τε δεδήει τεῖχοσ ἐύ̈δμητον, κανάχιζε δὲ δούρατα πύργων βαλλόμεν’· Ἀργεῖοι δὲ Διὸσ μάστιγι δαμέντεσ νηυσὶν ἔπι γλαφυρῇσιν ἐελμένοι ἰσχανόωντο Ἕκτορα δειδιότεσ, κρατερὸν μήστωρα φόβοιο· αὐτὰρ ὅ γ’ ὡσ τὸ πρόσθεν ἐμάρνατο ἶσοσ ἀέλλῃ· ὡσ δ’ ὅτ’ ἂν ἔν τε κύνεσσι καὶ ἀνδράσι θηρευτῇσι κάπριοσ ἠὲ λέων στρέφεται σθένεϊ βλεμεαίνων· οἳ δέ τε πυργηδὸν σφέασ αὐτοὺσ ἀρτύναντεσ ἀντίον ἵστανται καὶ ἀκοντίζουσι θαμειὰσ αἰχμὰσ ἐκ χειρῶν· τοῦ δ’ οὔ ποτε κυδάλιμον κῆρ ταρβεῖ οὐδὲ φοβεῖται, ἀγηνορίη δέ μιν ἔκτα· ταρφέα τε στρέφεται στίχασ ἀνδρῶν πειρητίζων· ὅππῃ τ’ ἰθύσῃ τῇ εἴκουσι στίχεσ ἀνδρῶν· ὣσ Ἕκτωρ ἀν’ ὅμιλον ἰὼν ἐλλίσσεθ’ ἑταίρουσ τάφρον ἐποτρύνων διαβαινέμεν· οὐδέ οἱ ἵπποι τόλμων ὠκύποδεσ, μάλα δὲ χρεμέτιζον ἐπ’ ἄκρῳ χείλει ἐφεσταότεσ· ἀπὸ γὰρ δειδίσσετο τάφροσ εὐρεῖ’, οὔτ’ ἄρ’ ὑπερθορέειν σχεδὸν οὔτε περῆσαι ῥηϊδίη· κρημνοὶ γὰρ ἐπηρεφέεσ περὶ πᾶσαν ἕστασαν ἀμφοτέρωθεν, ὕπερθεν δὲ σκολόπεσσιν ὀξέσιν ἠρήρει, τοὺσ ἵστασαν υἱε͂σ Ἀχαιῶν πυκνοὺσ καὶ μεγάλουσ δηί̈ων ἀνδρῶν ἀλεωρήν. ἔνθ’ οὔ κεν ῥέα ἵπποσ ἐύ̈τροχον ἁρ́μα τιταίνων ἐσβαίη, πεζοὶ δὲ μενοίνεον εἰ τελέουσι. δὴ τότε Πουλυδάμασ θρασὺν Ἕκτορα εἶπε παραστάσ· Ἕκτορ τ’ ἠδ’ ἄλλοι Τρώων ἀγοὶ ἠδ’ ἐπικούρων ἀφραδέωσ διὰ τάφρον ἐλαύνομεν ὠκέασ ἵππουσ· ἣ δὲ μάλ’ ἀργαλέη περάαν· σκόλοπεσ γὰρ ἐν αὐτῇ ὀξέεσ ἑστᾶσιν, ποτὶ δ’ αὐτοὺσ τεῖχοσ Ἀχαιῶν, ἔνθ’ οὔ πωσ ἔστιν καταβήμεναι οὐδὲ μάχεσθαι ἱππεῦσι· στεῖνοσ γάρ, ὅθι τρώσεσθαι ὀί̈ω. εἰ μὲν γὰρ τοὺσ πάγχυ κακὰ φρονέων ἀλαπάζει Ζεὺσ ὑψιβρεμέτησ, Τρώεσσι δὲ ἱέτ’ ἀρήγειν, ἦ τ’ ἂν ἔγωγ’ ἐθέλοιμι καὶ αὐτίκα τοῦτο γενέσθαι, νωνύμνουσ ἀπολέσθαι ἀπ’ Ἄργεοσ ἐνθάδ’ Ἀχαιούσ· εἰ δέ χ’ ὑποστρέψωσι, παλίωξισ δὲ γένηται ἐκ νηῶν καὶ τάφρῳ ἐνιπλήξωμεν ὀρυκτῇ, οὐκέτ’ ἔπειτ’ ὀί̈ω οὐδ’ ἄγγελον ἀπονέεσθαι ἄψορρον προτὶ ἄστυ ἑλιχθέντων ὑπ’ Ἀχαιῶν. ἀλλ’ ἄγεθ’ ὡσ ἂν ἐγὼ εἴπω πειθώμεθα πάντεσ· ἵππουσ μὲν θεράποντεσ ἐρυκόντων ἐπὶ τάφρῳ, αὐτοὶ δὲ πρυλέεσ σὺν τεύχεσι θωρηχθέντεσ Ἕκτορι πάντεσ ἑπώμεθ’ ἀολλέεσ· αὐτὰρ Ἀχαιοὶ οὐ μενέουσ’ εἰ δή σφιν ὀλέθρου πείρατ’ ἐφῆπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 12 4:

(호메로스, 일리아스, Book 12 4:)

상위

목록

SEARCH

MENU NAVIGATION