Homer, Iliad, Book 12 4:

(호메로스, 일리아스, Book 12 4:)

ὣσ ἄρ’ ἔμελλον ὄπισθε Ποσειδάων καὶ Ἀπόλλων θησέμεναι· τότε δ’ ἀμφὶ μάχη ἐνοπή τε δεδήει τεῖχοσ ἐύ̈δμητον, κανάχιζε δὲ δούρατα πύργων βαλλόμεν’· Ἀργεῖοι δὲ Διὸσ μάστιγι δαμέντεσ νηυσὶν ἔπι γλαφυρῇσιν ἐελμένοι ἰσχανόωντο Ἕκτορα δειδιότεσ, κρατερὸν μήστωρα φόβοιο· αὐτὰρ ὅ γ’ ὡσ τὸ πρόσθεν ἐμάρνατο ἶσοσ ἀέλλῃ· ὡσ δ’ ὅτ’ ἂν ἔν τε κύνεσσι καὶ ἀνδράσι θηρευτῇσι κάπριοσ ἠὲ λέων στρέφεται σθένεϊ βλεμεαίνων· οἳ δέ τε πυργηδὸν σφέασ αὐτοὺσ ἀρτύναντεσ ἀντίον ἵστανται καὶ ἀκοντίζουσι θαμειὰσ αἰχμὰσ ἐκ χειρῶν· τοῦ δ’ οὔ ποτε κυδάλιμον κῆρ ταρβεῖ οὐδὲ φοβεῖται, ἀγηνορίη δέ μιν ἔκτα· ταρφέα τε στρέφεται στίχασ ἀνδρῶν πειρητίζων· ὅππῃ τ’ ἰθύσῃ τῇ εἴκουσι στίχεσ ἀνδρῶν· ὣσ Ἕκτωρ ἀν’ ὅμιλον ἰὼν ἐλλίσσεθ’ ἑταίρουσ τάφρον ἐποτρύνων διαβαινέμεν· οὐδέ οἱ ἵπποι τόλμων ὠκύποδεσ, μάλα δὲ χρεμέτιζον ἐπ’ ἄκρῳ χείλει ἐφεσταότεσ· ἀπὸ γὰρ δειδίσσετο τάφροσ εὐρεῖ’, οὔτ’ ἄρ’ ὑπερθορέειν σχεδὸν οὔτε περῆσαι ῥηϊδίη· κρημνοὶ γὰρ ἐπηρεφέεσ περὶ πᾶσαν ἕστασαν ἀμφοτέρωθεν, ὕπερθεν δὲ σκολόπεσσιν ὀξέσιν ἠρήρει, τοὺσ ἵστασαν υἱε͂σ Ἀχαιῶν πυκνοὺσ καὶ μεγάλουσ δηί̈ων ἀνδρῶν ἀλεωρήν. ἔνθ’ οὔ κεν ῥέα ἵπποσ ἐύ̈τροχον ἁρ́μα τιταίνων ἐσβαίη, πεζοὶ δὲ μενοίνεον εἰ τελέουσι. δὴ τότε Πουλυδάμασ θρασὺν Ἕκτορα εἶπε παραστάσ· Ἕκτορ τ’ ἠδ’ ἄλλοι Τρώων ἀγοὶ ἠδ’ ἐπικούρων ἀφραδέωσ διὰ τάφρον ἐλαύνομεν ὠκέασ ἵππουσ· ἣ δὲ μάλ’ ἀργαλέη περάαν· σκόλοπεσ γὰρ ἐν αὐτῇ ὀξέεσ ἑστᾶσιν, ποτὶ δ’ αὐτοὺσ τεῖχοσ Ἀχαιῶν, ἔνθ’ οὔ πωσ ἔστιν καταβήμεναι οὐδὲ μάχεσθαι ἱππεῦσι· στεῖνοσ γάρ, ὅθι τρώσεσθαι ὀί̈ω. εἰ μὲν γὰρ τοὺσ πάγχυ κακὰ φρονέων ἀλαπάζει Ζεὺσ ὑψιβρεμέτησ, Τρώεσσι δὲ ἱέτ’ ἀρήγειν, ἦ τ’ ἂν ἔγωγ’ ἐθέλοιμι καὶ αὐτίκα τοῦτο γενέσθαι, νωνύμνουσ ἀπολέσθαι ἀπ’ Ἄργεοσ ἐνθάδ’ Ἀχαιούσ· εἰ δέ χ’ ὑποστρέψωσι, παλίωξισ δὲ γένηται ἐκ νηῶν καὶ τάφρῳ ἐνιπλήξωμεν ὀρυκτῇ, οὐκέτ’ ἔπειτ’ ὀί̈ω οὐδ’ ἄγγελον ἀπονέεσθαι ἄψορρον προτὶ ἄστυ ἑλιχθέντων ὑπ’ Ἀχαιῶν. ἀλλ’ ἄγεθ’ ὡσ ἂν ἐγὼ εἴπω πειθώμεθα πάντεσ· ἵππουσ μὲν θεράποντεσ ἐρυκόντων ἐπὶ τάφρῳ, αὐτοὶ δὲ πρυλέεσ σὺν τεύχεσι θωρηχθέντεσ Ἕκτορι πάντεσ ἑπώμεθ’ ἀολλέεσ· αὐτὰρ Ἀχαιοὶ οὐ μενέουσ’ εἰ δή σφιν ὀλέθρου πείρατ’ ἐφῆπται.

일치하는 문장이 없습니다.

SEARCH

MENU NAVIGATION