Homer, Iliad, Book 10 15:

ὣς εἰπὼν ἔνδυνε περὶ στήθεσσι χιτῶνα, ποσσὶ δ ὑπὸ λιπαροῖσιν ἐδήσατο καλὰ πέδιλα, ἀμφὶ δ ἄρα χλαῖναν περονήσατο φοινικόεσσαν διπλῆν ἐκταδίην, οὔλη δ ἐπενήνοθε λάχνη.? εἵλετο δ ἄλκιμον ἔγχος ἀκαχμένον ὀξέϊ χαλκῷ, βῆ δ ἰέναι κατὰ νῆας Ἀχαιῶν χαλκοχιτώνων. πρῶτον ἔπειτ Ὀδυσῆα Διὶ μῆτιν ἀτάλαντον ἐξ ὕπνου ἀνέγειρε Γερήνιος ἱππότα Νέστωρ φθεγξάμενος: τὸν δ αἶψα περὶ φρένας ἤλυθ ἰωή, ἐκ δ ἦλθε κλισίης καί σφεας πρὸς μῦθον ἐείπε: τίφθ οὕτω κατὰ νῆας ἀνὰ στρατὸν οἰοῖ ἀλᾶσθε νύκτα δι ἀμβροσίην, ὅ τι δὴ χρειὼ τόσον ἵκει·?