헬라어 문장 검색 - Ηομερ́ΙλιαδΓρ́10́0́002́

(호메로스, 일리아스, Book 10 2:)

ἄλλοι μὲν παρὰ νηυσὶν ἀριστῆεσ Παναχαιῶν εὗδον παννύχιοι μαλακῷ δεδμημένοι ὕπνῳ· ἀλλ’ οὐκ Ἀτρεί̈δην Ἀγαμέμνονα ποιμένα λαῶν ὕπνοσ ἔχε γλυκερὸσ πολλὰ φρεσὶν ὁρμαίνοντα. ὡσ δ’ ὅτ’ ἂν ἀστράπτῃ πόσισ Ἥρησ ἠϋκόμοιο τεύχων ἢ πολὺν ὄμβρον ἀθέσφατον ἠὲ χάλαζαν ἢ νιφετόν, ὅτε πέρ τε χιὼν ἐπάλυνεν ἀρούρασ, ἠέ ποθι πτολέμοιο μέγα στόμα πευκεδανοῖο, ὣσ πυκίν’ ἐν στήθεσσιν ἀνεστενάχιζ’ Ἀγαμέμνων νειόθεν ἐκ κραδίησ, τρομέοντο δέ οἱ φρένεσ ἐντόσ. ἤτοι ὅτ’ ἐσ πεδίον τὸ Τρωϊκὸν ἀθρήσειε, θαύμαζεν πυρὰ πολλὰ τὰ καίετο Ἰλιόθι πρὸ αὐλῶν συρίγγων τ’ ἐνοπὴν ὅμαδόν τ’ ἀνθρώπων. αὐτὰρ ὅτ’ ἐσ νῆάσ τε ἴδοι καὶ λαὸν Ἀχαιῶν, πολλὰσ ἐκ κεφαλῆσ προθελύμνουσ ἕλκετο χαίτασ ὑψόθ’ ἐόντι Διί, μέγα δ’ ἔστενε κυδάλιμον κῆρ. ἥδε δέ οἱ κατὰ θυμὸν ἀρίστη φαίνετο βουλὴ Νέστορ’ ἔπι πρῶτον Νηλήϊον ἐλθέμεν ἀνδρῶν, εἴ τινά οἱ σὺν μῆτιν ἀμύμονα τεκτήναιτο, ἥ τισ ἀλεξίκακοσ πᾶσιν Δαναοῖσι γένοιτο. ὀρθωθεὶσ δ’ ἔνδυνε περὶ στήθεσσι χιτῶνα, ποσσὶ δ’ ὑπὸ λιπαροῖσιν ἐδήσατο καλὰ πέδιλα, ἀμφὶ δ’ ἔπειτα δαφοινὸν ἑέσσατο δέρμα λέοντοσ αἴθωνοσ μεγάλοιο ποδηνεκέσ, εἵλετο δ’ ἔγχοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 10 2:

(호메로스, 일리아스, Book 10 2:)

상위

목록

SEARCH

MENU NAVIGATION