헬라어 문장 검색 - Ηομερ́ΙλιαδΓρ́09́0́018́

(호메로스, 일리아스, Book 9 18:)

ὣσ φάτο, Πάτροκλοσ δὲ φίλῳ ἐπεπείθεθ’ ἑταίρῳ. αὐτὰρ ὅ γε κρεῖον μέγα κάββαλεν ἐν πυρὸσ αὐγῇ, ἐν δ’ ἄρα νῶτον ἔθηκ’ ὀί̈οσ καὶ πίονοσ αἰγόσ, ἐν δὲ συὸσ σιάλοιο ῥάχιν τεθαλυῖαν ἀλοιφῇ. τῷ δ’ ἔχεν Αὐτομέδων, τάμνεν δ’ ἄρα δῖοσ Ἀχιλλεύσ. καὶ τὰ μὲν εὖ μίστυλλε καὶ ἀμφ’ ὀβελοῖσιν ἔπειρε, πῦρ δὲ Μενοιτιάδησ δαῖεν μέγα ἰσόθεοσ φώσ. αὐτὰρ ἐπεὶ κατὰ πῦρ ἐκάη καὶ φλὸξ ἐμαράνθη, ἀνθρακιὴν στορέσασ ὀβελοὺσ ἐφύπερθε τάνυσσε, πάσσε δ’ ἁλὸσ θείοιο κρατευτάων ἐπαείρασ. αὐτὰρ ἐπεί ῥ’ ὤπτησε καὶ εἰν ἐλεοῖσιν ἔχευε, Πάτροκλοσ μὲν σῖτον ἑλὼν ἐπένειμε τραπέζῃ καλοῖσ ἐν κανέοισιν, ἀτὰρ κρέα νεῖμεν Ἀχιλλεύσ. αὐτὸσ δ’ ἀντίον ἷζεν Ὀδυσσῆοσ θείοιο τοίχου τοῦ ἑτέροιο, θεοῖσι δὲ θῦσαι ἀνώγει Πάτροκλον ὃν ἑταῖρον· ὃ δ’ ἐν πυρὶ βάλλε θυηλάσ. οἳ δ’ ἐπ’ ὀνείαθ’ ἑτοῖμα προκείμενα χεῖρασ ἰάλλον. αὐτὰρ ἐπεὶ πόσιοσ καὶ ἐδητύοσ ἐξ ἔρον ἕντο, νεῦσ’ Αἰάσ Φοίνικι· νόησε δὲ δῖοσ Ὀδυσσεύσ, πλησάμενοσ δ’ οἴνοιο δέπασ δείδεκτ’ Ἀχιλῆα· χαῖρ’ Ἀχιλεῦ· δαιτὸσ μὲν ἐί̈σησ οὐκ ἐπιδευεῖσ ἠμὲν ἐνὶ κλισίῃ Ἀγαμέμνονοσ Ἀτρεί̈δαο ἠδὲ καὶ ἐνθάδε νῦν, πάρα γὰρ μενοεικέα πολλὰ δαίνυσθ’· ἀλλ’ οὐ δαιτὸσ ἐπηράτου ἔργα μέμηλεν, ἀλλὰ λίην μέγα πῆμα διοτρεφὲσ εἰσορόωντεσ δείδιμεν· ἐν δοιῇ δὲ σαωσέμεν ἢ ἀπολέσθαι νῆασ ἐϋσσέλμουσ, εἰ μὴ σύ γε δύσεαι ἀλκήν. ἐγγὺσ γὰρ νηῶν καὶ τείχεοσ αὖλιν ἔθεντο Τρῶεσ ὑπέρθυμοι τηλεκλειτοί τ’ ἐπίκουροι κηάμενοι πυρὰ πολλὰ κατὰ στρατόν, οὐδ’ ἔτι φασὶ σχήσεσθ’, ἀλλ’ ἐν νηυσὶ μελαίνῃσιν πεσέεσθαι. Ζεὺσ δέ σφι Κρονίδησ ἐνδέξια σήματα φαίνων ἀστράπτει· Ἕκτωρ δὲ μέγα σθένεϊ βλεμεαίνων μαίνεται ἐκπάγλωσ πίσυνοσ Διί, οὐδέ τι τίει ἀνέρασ οὐδὲ θεούσ· κρατερὴ δέ ἑ λύσσα δέδυκεν. ἀρᾶται δὲ τάχιστα φανήμεναι Ηὦ δῖαν· στεῦται γὰρ νηῶν ἀποκόψειν ἄκρα κόρυμβα αὐτάσ τ’ ἐμπρήσειν μαλεροῦ πυρόσ, αὐτὰρ Ἀχαιοὺσ δῃώσειν παρὰ τῇσιν ὀρινομένουσ ὑπὸ καπνοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 9 18:

(호메로스, 일리아스, Book 9 18:)

상위

목록

SEARCH

MENU NAVIGATION