헬라어 문장 검색 - Ηομερ́ΙλιαδΓρ́09́0́006́

(호메로스, 일리아스, Book 9 6:)

ὣσ ἔφαθ’, οἳ δ’ ἄρα πάντεσ ἐπίαχον υἱε͂σ Ἀχαιῶν μῦθον ἀγασσάμενοι Διομήδεοσ ἱπποδάμοιο. τοῖσι δ’ ἀνιστάμενοσ μετεφώνεεν ἱππότα Νέστωρ· Τυδεί̈δη περὶ μὲν πολέμῳ ἔνι καρτερόσ ἐσσι, καὶ βουλῇ μετὰ πάντασ ὁμήλικασ ἔπλευ ἄριστοσ. οὔ τίσ τοι τὸν μῦθον ὀνόσσεται ὅσσοι Ἀχαιοί, οὐδὲ πάλιν ἐρέει· ἀτὰρ οὐ τέλοσ ἵκεο μύθων. ἦ μὲν καὶ νέοσ ἐσσί, ἐμὸσ δέ κε καὶ πάϊσ εἰήσ ὁπλότατοσ γενεῆφιν· ἀτὰρ πεπνυμένα βάζεισ Ἀργείων βασιλῆασ, ἐπεὶ κατὰ μοῖραν ἐείπεσ. ἀλλ’ ἄγ’ ἐγών, ὃσ σεῖο γεραίτεροσ εὔχομαι εἶναι, ἐξείπω καὶ πάντα διίξομαι· οὐδέ κέ τίσ μοι μῦθον ἀτιμήσει’, οὐδὲ κρείων Ἀγαμέμνων. ἀφρήτωρ ἀθέμιστοσ ἀνέστιόσ ἐστιν ἐκεῖνοσ ὃσ πολέμου ἔραται ἐπιδημίου ὀκρυόεντοσ. ἀλλ’ ἤτοι νῦν μὲν πειθώμεθα νυκτὶ μελαίνῃ δόρπά τ’ ἐφοπλισόμεσθα· φυλακτῆρεσ δὲ ἕκαστοι λεξάσθων παρὰ τάφρον ὀρυκτὴν τείχεοσ ἐκτόσ. κούροισιν μὲν ταῦτ’ ἐπιτέλλομαι· αὐτὰρ ἔπειτα Ἀτρεί̈δη σὺ μὲν ἄρχε· σὺ γὰρ βασιλεύτατόσ ἐσσι. δαίνυ δαῖτα γέρουσιν· ἐοίκέ τοι, οὔ τοι ἀεικέσ. πλεῖαί τοι οἴνου κλισίαι, τὸν νῆεσ Ἀχαιῶν ἠμάτιαι Θρῄκηθεν ἐπ’ εὐρέα πόντον ἄγουσι· πᾶσά τοί ἐσθ’ ὑποδεξίη, πολέεσσι δ’ ἀνάσσεισ. πολλῶν δ’ ἀγρομένων τῷ πείσεαι ὅσ κεν ἀρίστην βουλὴν βουλεύσῃ· μάλα δὲ χρεὼ πάντασ Ἀχαιοὺσ ἐσθλῆσ καὶ πυκινῆσ, ὅτι δήϊοι ἐγγύθι νηῶν καίουσιν πυρὰ πολλά· τίσ ἂν τάδε γηθήσειε; νὺξ δ’ ἧδ’ ἠὲ διαρραίσει στρατὸν ἠὲ σαώσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 9 6:

(호메로스, 일리아스, Book 9 6:)

상위

목록

SEARCH

MENU NAVIGATION