Homer, Iliad, Book 8 55:

οἳ δὲ μέγα φρονέοντες ἐπὶ πτολέμοιο γεφύρας εἰάτο παννύχιοι, πυρὰ δέ σφισι καίετο πολλά.? ὡς δ ὅτ ἐν οὐρανῷ ἄστρα φαεινὴν ἀμφὶ σελήνην φαίνετ ἀριπρεπέα, ὅτε τ ἔπλετο νήνεμος αἰθήρ: ἔκ τ ἔφανεν πᾶσαι σκοπιαὶ καὶ πρώονες ἄκροι καὶ νάπαι: οὐρανόθεν δ ἄρ ὑπερράγη ἄσπετος αἰθήρ, πάντα δὲ εἴδεται ἄστρα, γέγηθε δέ τε φρένα ποιμήν: τόσσα μεσηγὺ νεῶν ἠδὲ Ξάνθοιο ῥοάων Τρώων καιόντων πυρὰ φαίνετο Ἰλιόθι πρό. χίλι ἄρ ἐν πεδίῳ πυρὰ καίετο, πὰρ δὲ ἑκάστῳ εἰάτο πεντήκοντα σέλᾳ πυρὸς αἰθομένοιο. ἵπποι δὲ κρῖ λευκὸν ἐρεπτόμενοι καὶ ὀλύρας ἑσταότες παρ ὄχεσφιν ἐΰθρονον Ηὦ μίμνον.?