헬라어 문장 검색 - Ηομερ́ΙλιαδΓρ́08́0́034́

(호메로스, 일리아스, Book 8 34:)

Τεῦκροσ δ’ ἄλλον ὀϊστὸν ἀπὸ νευρῆφιν ἰάλλεν Ἕκτοροσ ἀντικρύ, βαλέειν δέ ἑ ἱέτο θυμόσ. ἀλλ’ ὅ γε καὶ τόθ’ ἅμαρτε· παρέσφηλεν γὰρ Ἀπόλλων· ἀλλ’ Ἀρχεπτόλεμον θρασὺν Ἕκτοροσ ἡνιοχῆα ἱέμενον πόλεμον δὲ βάλε στῆθοσ παρὰ μαζόν· ἤριπε δ’ ἐξ ὀχέων, ὑπερώησαν δέ οἱ ἵπποι ὠκύποδεσ· τοῦ δ’ αὖθι λύθη ψυχή τε μένοσ τε. Ἕκτορα δ’ αἰνὸν ἄχοσ πύκασε φρένασ ἡνιόχοιο· τὸν μὲν ἔπειτ’ εἰάσε καὶ ἀχνύμενόσ περ ἑταίρου, Κεβριόνην δ’ ἐκέλευσεν ἀδελφεὸν ἐγγὺσ ἐόντα ἵππων ἡνί’ ἑλεῖν· ὃ δ’ ἄρ’ οὐκ ἀπίθησεν ἀκούσασ. αὐτὸσ δ’ ἐκ δίφροιο χαμαὶ θόρε παμφανόωντοσ σμερδαλέα ἰάχων· ὃ δὲ χερμάδιον λάβε χειρί, βῆ δ’ ἰθὺσ Τεύκρου, βαλέειν δέ ἑ θυμὸσ ἀνώγει. ἤτοι ὃ μὲν φαρέτρησ ἐξείλετο πικρὸν ὀϊστόν, θῆκε δ’ ἐπὶ νευρῇ· τὸν δ’ αὖ κορυθαίολοσ Ἕκτωρ αὐερύοντα παρ’ ὦμον, ὅθι κληὶ̈σ ἀποέργει αὐχένα τε στῆθόσ τε, μάλιστα δὲ καίριόν ἐστι, τῇ ῥ’ ἐπὶ οἷ μεμαῶτα βάλεν λίθῳ ὀκριόεντι, ῥῆξε δέ οἱ νευρήν· νάρκησε δὲ χεὶρ ἐπὶ καρπῷ, στῆ δὲ γνὺξ ἐριπών, τόξον δέ οἱ ἔκπεσε χειρόσ. Αἰάσ δ’ οὐκ ἀμέλησε κασιγνήτοιο πεσόντοσ, ἀλλὰ θέων περίβη καί οἱ σάκοσ ἀμφεκάλυψε. τὸν μὲν ἔπειθ’ ὑποδύντε δύω ἐρίηρεσ ἑταῖροι Μηκιστεὺσ Ἐχίοιο πάϊσ καὶ δῖοσ Ἀλάστωρ νῆασ ἔπι γλαφυρὰσ φερέτην βαρέα στενάχοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 8 34:

(호메로스, 일리아스, Book 8 34:)

상위

목록

SEARCH

MENU NAVIGATION