헬라어 문장 검색 - Ηομερ́ΙλιαδΓρ́08́0́030́

(호메로스, 일리아스, Book 8 30:)

ἔνθα τίνα πρῶτον Τρώων ἕλε Τεῦκροσ ἀμύμων; Ὀρσίλοχον μὲν πρῶτα καὶ Ὄρμενον ἠδ’ Ὀφελέστην Δαίτορά τε Χρομίον τε καὶ ἀντίθεον Λυκοφόντην καὶ Πολυαιμονίδην Ἀμοπάονα καὶ Μελάνιππον, πάντασ ἐπασσυτέρουσ πέλασε χθονὶ πουλυβοτείρῃ. τὸν δὲ ἰδὼν γήθησεν ἄναξ ἀνδρῶν Ἀγαμέμνων τόξου ἄπο κρατεροῦ Τρώων ὀλέκοντα φάλαγγασ· στῆ δὲ παρ’ αὐτὸν ἰὼν καί μιν πρὸσ μῦθον ἐείπε· Τεῦκρε φίλη κεφαλή, Τελαμώνιε κοίρανε λαῶν βάλλ’ οὕτωσ, αἴ κέν τι φόωσ Δαναοῖσι γένηαι πατρί τε σῷ Τελαμῶνι, ὅ σ’ ἔτρεφε τυτθὸν ἐόντα, καί σε νόθον περ ἐόντα κομίσσατο ᾧ ἐνὶ οἴκῳ· τὸν καὶ τηλόθ’ ἐόντα ἐϋκλείησ ἐπίβησον. σοὶ δ’ ἐγὼ ἐξερέω ὡσ καὶ τετελεσμένον ἔσται· αἴ κέν μοι δώῃ Ζεύσ τ’ αἰγίοχοσ καὶ Ἀθήνη Ἰλίου ἐξαλαπάξαι ἐϋκτίμενον πτολίεθρον, πρώτῳ τοι μετ’ ἐμὲ πρεσβήϊον ἐν χερὶ θήσω, ἢ τρίποδ’ ἠὲ δύω ἵππουσ αὐτοῖσιν ὄχεσφιν ἠὲ γυναῖχ’, ἥ κέν τοι ὁμὸν λέχοσ εἰσαναβαίνοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 8 30:

(호메로스, 일리아스, Book 8 30:)

상위

목록

SEARCH

MENU NAVIGATION