Homer, Iliad, Book 4 35:

(호메로스, 일리아스, Book 4 35:)

ὣσ ἔφατ’, Ἀτρεί̈δησ δὲ παρῴχετο γηθόσυνοσ κῆρ. εὑρ͂’ υἱὸν Πετεῶο Μενεσθῆα πλήξιππον ἑσταότ’· ἀμφὶ δ’ Ἀθηναῖοι μήστωρεσ ἀϋτῆσ· αὐτὰρ ὃ πλησίον ἑστήκει πολύμητισ Ὀδυσσεύσ, πὰρ δὲ Κεφαλλήνων ἀμφὶ στίχεσ οὐκ ἀλαπαδναὶ ἕστασαν· οὐ γάρ πώ σφιν ἀκούετο λαὸσ ἀϋτῆσ, ἀλλὰ νέον συνορινόμεναι κίνυντο φάλαγγεσ Τρώων ἱπποδάμων καὶ Ἀχαιῶν· οἳ δὲ μένοντεσ ἕστασαν ὁππότε πύργοσ Ἀχαιῶν ἄλλοσ ἐπελθὼν Τρώων ὁρμήσειε καὶ ἄρξειαν πολέμοιο. τοὺσ δὲ ἰδὼν νείκεσσεν ἄναξ ἀνδρῶν Ἀγαμέμνων, καί σφεασ φωνήσασ ἔπεα πτερόεντα προσηύδα· ὦ υἱὲ Πετεῶο διοτρεφέοσ βασιλῆοσ, καὶ σὺ κακοῖσι δόλοισι κεκασμένε κερδαλεόφρον τίπτε καταπτώσσοντεσ ἀφέστατε, μίμνετε δ’ ἄλλουσ; σφῶϊν μέν τ’ ἐπέοικε μετὰ πρώτοισιν ἐόντασ ἑστάμεν ἠδὲ μάχησ καυστείρησ ἀντιβολῆσαι· πρώτω γὰρ καὶ δαιτὸσ ἀκουάζεσθον ἐμεῖο, ὁππότε δαῖτα γέρουσιν ἐφοπλίζωμεν Ἀχαιοί. ἔνθα φίλ’ ὀπταλέα κρέα ἔδμεναι ἠδὲ κύπελλα οἴνου πινέμεναι μελιηδέοσ ὄφρ’ ἐθέλητον· νῦν δὲ φίλωσ χ’ ὁρόῳτε καὶ εἰ δέκα πύργοι Ἀχαιῶν ὑμείων προπάροιθε μαχοίατο νηλέϊ χαλκῷ.

일치하는 문장이 없습니다.

SEARCH

MENU NAVIGATION