헬라어 문장 검색 - Ηομερ́ΙλιαδΓρ́04́0́035́

(호메로스, 일리아스, Book 4 35:)

ὣσ ἔφατ’, Ἀτρεί̈δησ δὲ παρῴχετο γηθόσυνοσ κῆρ. εὑρ͂’ υἱὸν Πετεῶο Μενεσθῆα πλήξιππον ἑσταότ’· ἀμφὶ δ’ Ἀθηναῖοι μήστωρεσ ἀϋτῆσ· αὐτὰρ ὃ πλησίον ἑστήκει πολύμητισ Ὀδυσσεύσ, πὰρ δὲ Κεφαλλήνων ἀμφὶ στίχεσ οὐκ ἀλαπαδναὶ ἕστασαν· οὐ γάρ πώ σφιν ἀκούετο λαὸσ ἀϋτῆσ, ἀλλὰ νέον συνορινόμεναι κίνυντο φάλαγγεσ Τρώων ἱπποδάμων καὶ Ἀχαιῶν· οἳ δὲ μένοντεσ ἕστασαν ὁππότε πύργοσ Ἀχαιῶν ἄλλοσ ἐπελθὼν Τρώων ὁρμήσειε καὶ ἄρξειαν πολέμοιο. τοὺσ δὲ ἰδὼν νείκεσσεν ἄναξ ἀνδρῶν Ἀγαμέμνων, καί σφεασ φωνήσασ ἔπεα πτερόεντα προσηύδα· ὦ υἱὲ Πετεῶο διοτρεφέοσ βασιλῆοσ, καὶ σὺ κακοῖσι δόλοισι κεκασμένε κερδαλεόφρον τίπτε καταπτώσσοντεσ ἀφέστατε, μίμνετε δ’ ἄλλουσ; σφῶϊν μέν τ’ ἐπέοικε μετὰ πρώτοισιν ἐόντασ ἑστάμεν ἠδὲ μάχησ καυστείρησ ἀντιβολῆσαι· πρώτω γὰρ καὶ δαιτὸσ ἀκουάζεσθον ἐμεῖο, ὁππότε δαῖτα γέρουσιν ἐφοπλίζωμεν Ἀχαιοί. ἔνθα φίλ’ ὀπταλέα κρέα ἔδμεναι ἠδὲ κύπελλα οἴνου πινέμεναι μελιηδέοσ ὄφρ’ ἐθέλητον· νῦν δὲ φίλωσ χ’ ὁρόῳτε καὶ εἰ δέκα πύργοι Ἀχαιῶν ὑμείων προπάροιθε μαχοίατο νηλέϊ χαλκῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 4 35:

(호메로스, 일리아스, Book 4 35:)

상위

목록

SEARCH

MENU NAVIGATION