Homer, Iliad, Book 2 29:

(호메로스, 일리아스, Book 2 29:)

τοῖσι δὲ καὶ μετέειπε Γερήνιοσ ἱππότα Νέστωρ· ὦ πόποι ἦ δὴ παισὶν ἐοικότεσ ἀγοράασθε νηπιάχοισ οἷσ οὔ τι μέλει πολεμήϊα ἔργα. πῇ δὴ συνθεσίαι τε καὶ ὁρ́κια βήσεται ἥμιν; ἐν πυρὶ δὴ βουλαί τε γενοίατο μήδεά τ’ ἀνδρῶν σπονδαί τ’ ἄκρητοι καὶ δεξιαί, ᾗσ ἐπέπιθμεν· αὔτωσ γὰρ ἐπέεσσ’ ἐριδαίνομεν, οὐδέ τι μῆχοσ εὑρέμεναι δυνάμεσθα, πολὺν χρόνον ἐνθάδ’ ἐόντεσ. Ἀτρεί̈δη σὺ δ’ ἔθ’ ὡσ πρὶν ἔχων ἀστεμφέα βουλὴν ἄρχευ’ Ἀργείοισι κατὰ κρατερὰσ ὑσμίνασ, τούσδε δ’ ἐά φθινύθειν ἕνα καὶ δύο, τοί κεν Ἀχαιῶν νόσφιν βουλεύωσ’· ἄνυσισ δ’ οὐκ ἔσσεται αὐτῶν· πρὶν Ἄργοσ δ’ ἰέναι πρὶν καὶ Διὸσ αἰγιόχοιο γνώμεναι εἴ τε ψεῦδοσ ὑπόσχεσισ εἴ τε καὶ οὐκί. φημὶ γὰρ οὖν κατανεῦσαι ὑπερμενέα Κρονίωνα ἤματι τῷ ὅτε νηυσὶν ἐν ὠκυπόροισιν ἔβαινον Ἀργεῖοι Τρώεσσι φόνον καὶ κῆρα φέροντεσ ἀστράπτων ἐπιδέξι’ ἐναίσιμα σήματα φαίνων. τὼ μή τισ πρὶν ἐπειγέσθω οἶκον δὲ νέεσθαι πρίν τινα πὰρ Τρώων ἀλόχῳ κατακοιμηθῆναι, τίσασθαι δ’ Ἑλένησ ὁρμήματά τε στοναχάσ τε. εἰ δέ τισ ἐκπάγλωσ ἐθέλει οἶκον δὲ νέεσθαι ἁπτέσθω ἧσ νηὸσ ἐϋσσέλμοιο μελαίνησ, ὄφρα πρόσθ’ ἄλλων θάνατον καὶ πότμον ἐπίσπῃ. ἀλλὰ ἄναξ αὐτόσ τ’ εὖ μήδεο πείθεό τ’ ἄλλῳ· οὔ τοι ἀπόβλητον ἔποσ ἔσσεται ὅττί κεν εἴπω· κρῖν’ ἄνδρασ κατὰ φῦλα κατὰ φρήτρασ Ἀγάμεμνον, ὡσ φρήτρη φρήτρηφιν ἀρήγῃ, φῦλα δὲ φύλοισ. εἰ δέ κεν ὣσ ἑρ́ξῃσ καί τοι πείθωνται Ἀχαιοί, γνώσῃ ἔπειθ’ ὅσ θ’ ἡγεμόνων κακὸσ ὅσ τέ νυ λαῶν ἠδ’ ὅσ κ’ ἐσθλὸσ ἐῄσι· κατὰ σφέασ γὰρ μαχέονται. γνώσεαι δ’ εἰ καὶ θεσπεσίῃ πόλιν οὐκ ἀλαπάξεισ, ἦ ἀνδρῶν κακότητι καὶ ἀφραδίῃ πολέμοιο.

일치하는 문장이 없습니다.

SEARCH

MENU NAVIGATION