Homer, Iliad, Book 1 15:

τὸν δ’ ἠμείβετ’ ἔπειτα ποδάρκησ δῖοσ Ἀχιλλεύσ· Ἀτρεί̈δη κύδιστε φιλοκτεανώτατε πάντων, πῶσ γάρ τοι δώσουσι γέρασ μεγάθυμοι Ἀχαιοί; οὐδέ τί που ἴδμεν ξυνήϊα κείμενα πολλά· ἀλλὰ τὰ μὲν πολίων ἐξεπράθομεν, τὰ δέδασται, λαοὺσ δ’ οὐκ ἐπέοικε παλίλλογα ταῦτ’ ἐπαγείρειν. ἀλλὰ σὺ μὲν νῦν τήνδε θεῷ πρόεσ· αὐτὰρ Ἀχαιοὶ τριπλῇ τετραπλῇ τ’ ἀποτείσομεν, αἴ κέ ποθι Ζεὺσ δῷσι πόλιν Τροίην εὐτείχεον ἐξαλαπάξαι.