호흡부호 보기
강세부호 보기
장단부호 보기
작은 Iota 보기
모든 부호 보기
Ἐπιδεῖν δὲ τὸ πρῶτον‧ ὁ μὲν ἐπιδεδεμένοσ μάλιστα φάτω πεπιέχθαι κατὰ τὸ σίνοσ, ἥκιστα τὰ ἄκρα‧ ἡρμάσθαι δὲ, μὴ πεπιέχθαι‧ πλήθει, μὴ ἰσχύϊ‧ τὴν δὲ ἡμέρην ταύτην καὶ νύκτα, ὀλίγῳ μᾶλλον, τὴν δ’ ὑστέρην, ἧσσον‧ τρίτη, χαλαρά. Εὑρεθήτω δὲ τῇ μὲν ὑστεραίῃ ἐν ἄκροισιν οἴδημα μαλθακόν‧ τῇ τρίτῃ δὲ τὸ ἐπιδεθὲν λυθὲν, ἰσχνότερον, παρὰ πάσασ τὰσ ἐπιδέσιασ τοῦτο. Τῇ δὲ ὑστεραίῃ ἐπιδέσει, ἢν δικαίωσ ἐπιδεδεμένον φανῇ, μαθεῖν δεῖ‧ ἐντεῦθεν δὲ μᾶλλον καὶ ἐπὶ πλέοσι πιεχθήτω‧ τῇ δὲ τρίτῃ ἐπὶ μᾶλλον καὶ ἐπὶ πλέοσιν. Τῇ δὲ ἑβδόμῃ ἀπὸ τῆσ πρώτησ ἐπιδέσιοσ λυθέντα, εὑρεθήτω ἰσχνὰ, χαλαρὰ τὰ ὀστέα. Ἐσ δὲ νάρθηκασ, δεθέντα, ἢν ἰσχνὰ καὶ ἄκνησμα καὶ ἀνέλκεα ᾖ, ἐᾷν μέχρισ εἴκοσιν ἡμερέων ἀπὸ τοῦ σίνεοσ‧ ἢν δέ τι ὑποπτεύηται, λῦσαι ἐν τῷ μέσῳ‧ νάρθηκασ διὰ τρίτησ ἐρείδειν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기