헬라어 문장 검색 - Ηιπποξ́Οευϝρεσ́13́11́

(히포크라테스, Oeuvres Completes D'Hippocrate., KAT' IHTREION., 11.)

Ὧν δὲ ἔχεται ἢ ἐπίδεσισ, ἢ ὑπόδεσισ, ἢ ἀμφότερα‧ ὑπόδεσισ μὲν αἰτίη, ὥστε ἢ ἀφεστεῶτα προστεῖλαι, ἢ ἐκπεπταμένα συστεῖλαι, ἢ ξυνεσταλμένα διαστεῖλαι, ἢ διεστραμμένα διορθῶσαι, ἢ τἀναντία. Παρασκευάζειν δὲ ὀθόνια κοῦφα, λεπτὰ, μαλθακὰ, καθαρὰ, πλατέα, μὴ ἔχοντα ξυῤῬαφὰσ, μηδ’ ἐξαστίασ, καὶ ὑγιέα, ὥστε τάνυσιν φέρειν, καὶ ὀλίγῳ κρέσσω, μὴ ξηρὰ, ἀλλ’ ἔγχυμα χυμῷ, ᾧ ἕκαστα ξύντροφα. Ἀφεστεῶτα μὲν, ὥστε τὰ μετέωρα τῆσ ἕδρησ ψαύειν μὲν, πιέζειν δὲ μή‧ ἄρχεσθαι δὲ ἐκ τοῦ ὑγιέοσ, τελευτᾷν δὲ πρὸσ τὸ ἕλκοσ, ὡσ τὸ μὲν ὑπεὸν ἐξαθέλγηται, ἕτερον δὲ μὴ ἐπιξυλλέγηται‧ ἐπιδεῖν τὰ μὲν ὀρθὰ ἐσ ὀρθὸν, τὰ δὲ λοξὰ λοξῶσ, ἐν σχήματι ἀπόνῳ, ἐν ᾧ μήτε ἀπόσφιγξισ, μήτε ἀπόστασισ ἔσται τισ, ἐξ οὗ, ὅταν μεταλλάσσῃ ἢ ἐσ ἀνάληψιν ἢ ἐσ θέσιν, οὐ μεταλλάξουσιν, ἀλλ’ ὅμοια ταῦτα ἕξούσι, μύεσ, φλέβεσ, νεῦρα, ὀστέα, ᾗ μάλιστα εὔθετα καὶ εὔσχετα‧ ἀναλελάφθαι δὲ, ἢ κέεσθαι ἐν σχήματι ἀπόνῳ τῷ κατὰ φύσιν‧ ὧν δὲ ἂν ἀποστῇ, τἀναντία. Ὧν δὲ ἐκπεπταμένα ξυστεῖλαι, τὰ μὲν ἄλλα κατὰ τὰ αὐτὰ, ἐκ πολλοῦ δέ τινοσ δεῖ τὴν ξυναγωγὴν, καὶ ἐκ προσαγωγῆσ τὴν πίεξιν, τὸ πρῶτον ἥκιστα, ἔπειτα ἐπὶ μᾶλλον, ὁρ́ιον τοῦ μάλιστα τὸ ξυμψαύειν. Ὧν δὲ ξυνεσταλμένα διαστεῖλαι, ξὺν μὲν φλεγμονῇ τἀναντία‧ ἄνευ δὲ ταύτησ, παρασκευῇ μὲν τῇ αὐτῇ, ἐπιδέσει δὲ ἐναντίῃ. Διεστραμμένα δὲ διορθῶσαι, τὰ μὲν ἄλλα κατὰ τὰ αὐτά‧ δεῖ δὲ τὰ μὲν ἀπεληλυθότα ἐπαγαγεῖν ὑποδέσει, παρακολλήσει, ἀναλήψει‧ τὰ δὲ ἐναντία, ἐναντίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., KAT' IHTREION., 11.

(히포크라테스, Oeuvres Completes D'Hippocrate., KAT' IHTREION., 11.)

상위

목록

SEARCH

MENU NAVIGATION