헬라어 문장 검색 - Ηιπποξ́Οευϝρεσ́13́03́

(히포크라테스, Oeuvres Completes D'Hippocrate., KAT' IHTREION., 3.)

Ὁ δρῶν, ἢ καθήμενοσ, ἢ ἑστεὼσ, ξυμμέτρωσ πρὸσ ἑωυτὸν, πρὸσ τὸ χειριζόμενον, πρὸσ τὴν αὐγήν. Αὐγέησ μὲν οὖν δύο εἴδεα, τὸ μὲν κοινὸν, τὸ δὲ τεχνητόν. Τὸ μὲν οὖν κοινὸν οὐκ ἐφ’ ἡμῖν‧ τὸ δὲ τεχνητὸν, καὶ ἐφ’ ἡμῖν. Ὧν ἑκατέρου δισσαὶ χρήσιεσ, ἢ πρὸσ αὐγὴν, ἢ ὑπ’ αὐγήν. Ὑπ’ αὐγὴν μὲν οὖν ὀλίγη τε ἡ χρῆσισ, καταφανήσ τε ἡ μετριότησ. Τὰ δὲ πρὸσ αὐγὴν ἐκ τῶν παρεουσέων, ἐκ τῶν ξυμφερουσέων αὐγέων, πρὸσ τὴν λαμπροτάτην τρέπειν τὸ χειριζόμενον‧ πλὴν ὁκόσα λαθεῖν δεῖ, ἢ ὁρῇν αἰσχρόν‧ οὕτω δὲ τὸ μὲν χειριζόμενον ἐναντίον τῇ αὐγῇ, τὸν δὲ χειρίζοντα, ἐναντίον τῷ χειριζομένῳ, πλὴν ὥστε μὴ ἐπισκοτάζειν‧ οὕτω γὰρ ἂν ὁ μὲν δρῶν ὁρῳή, τὸ δὲ χειριζόμενον οὐχ ὁρῷτο. Πρὸσ ἑωυτὸν δὲ, καθημένῳ πόδεσ ἐσ τὴν ἄνω ἴξιν κατ’ ἰθὺ γούνασιν‧ διάστασιν δὲ, ὀλίγον ξυμβεβῶτεσ‧ γούνατα δὲ ἀνωτέρω βουβώνων σμικρὸν, διάστασιν δὲ, ἀγκώνων θέσει καὶ παραθέσει. Ἱμάτιον, εὐσταλέωσ, εὐκρινέωσ, ἴσωσ, ὁμοίωσ, ἀγκῶσιν, ὤμοισιν. Πρὸσ δὲ τὸ χειριζόμενον, τοῦ μὲν πρόσω καὶ ἐγγὺσ, καὶ τοῦ ἄνω, καὶ τοῦ κάτω, καὶ ἔνθα ἢ ἔνθα, ἢ μέσον. Τοῦ μὲν πρόσω καὶ ἐγγὺσ ὁρ́ιον, ἀγκῶνασ ἐσ μὲν τὸ πρόσθεν γούνατα μὴ ἀμείβειν, ἐσ δὲ τὸ ὄπισθεν, πλευράσ‧ τοῦ δὲ ἄνω, μὴ ἀνωτέρω μαζῶν ἄκρασ χεῖρασ ἔχειν‧ τοῦ δὲ κάτω, μὴ κατωτέρω, ἢ ὡσ τὸ στῆθοσ ἐπὶ γούνασιν ἔχοντα, ἔχειν ἄκρασ χεῖρασ ἐγγωνίουσ πρὸσ βραχίονασ‧ τὰ μὲν κατὰ μέσον οὕτωσ‧ τὰ δὲ ἔνθα, ἢ ἔνθα, μὴ ἔξω τῆσ ἔδρησ, κατὰ λόγον δὲ τῆσ ἐπιτροφῆσ προσβαλλόμενον τὸ σῶμα, καὶ τοῦ σώματοσ τὸ ἐργαζόμενον. Ἑστεῶτα δὲ, ἰδεῖν μὲν ἐπ’ ἀμφοτέρων βεβῶτα ἐξ ἴσου τῶν ποδῶν ἅλισ, δρῇν δὲ τῷ ἑτέρῳ ἐπιβεβῶτα, μὴ τῷ κατὰ τὴν δρῶσαν χεῖρα‧ ὕψοσ γούνα τοσ πρὸσ βουβῶνασ, ὡσ ἐν ἕδρῃ‧ καὶ τὰ ἄλλα ὁρ́ια τὰ αὐτά. Ὁ δὲ χειριζόμενοσ τῷ χειρίζοντι τῷ ἄλλῳ τοῦ σώματοσ μέρει ὑπηρετείτω, ἢ ἑστεὼσ, ἢ καθήμενοσ, ἢ κείμενοσ, ὅκωσ ἂν Ῥήϊστα, ὃ δεῖ, σχῆμα ἔχων διατελέῃ, φυλάσσων ὑπόῤῬυσιν, ὑπόστασιν, ἔκτρεψιν, καταντίαν, ὡσ ὃ δεῖ, σώζηται καὶ σχῆμα καὶ εἶδοσ τοῦ χειριζομένου, ἐν παρέξει, ἐν χειρισμῷ, ἐν τῇ ἔπειτα ἕξει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., KAT' IHTREION., 3.

(히포크라테스, Oeuvres Completes D'Hippocrate., KAT' IHTREION., 3.)

상위

목록

SEARCH

MENU NAVIGATION