헬라어 문장 검색 - Ηιπποξ́Οευϝρεσ́08́07́

(히포크라테스, Oeuvres Completes D'Hippocrate., AFORISMOI., 87.)

Ἐν τοῖσιν ὀξέσι νουσήμασι ψύξισ ἀκρωτηρίων, κακόν. Ἐπὶ ὀστέῳ νοσέοντι σὰρξ πελιδνὴ, κακόν. Ἐπὶ ἐμέτῳ λὺγξ καὶ ὀφθαλμοὶ ἐρυθροὶ, κακόν. Ἐπὶ ἱδρῶτι φρίκη, οὐ χρηστόν. Ἐπὶ μανίῃ δυσεντερίη, ἢ ὕδρωψ, ἢ ἔκστασισ, ἀγαθόν. Ἐν νούσῳ πολυχρονίῃ ἀσιτίη καὶ ἄκρητοι ὑποχωρήσιεσ, κακόν. Ἐκ πολυποσίησ Ῥῖγοσ καὶ παραφροσύνη, κακόν. Ἐπὶ φύματοσ ἔσω Ῥήξει ἔκλυσισ, ἔμετοσ, καὶ λειποψυχίη γίνεται. Ἐπὶ αἵματοσ Ῥύσει παραφροσύνη ἢ σπασμὸσ, κακόν. Ἐπὶ εἰλεῷ ἔμετοσ, ἢ λὺγξ, ἢ σπασμὸσ, ἢ παραφροσύνη, κακόν Ἐπὶ πλευρίτιδι περιπλευμονίη, κακόν. Ἐπὶ περιπλευμονίῃ φρενῖτισ, κακόν. Ἐπὶ καύμασιν ἰσχυροῖσι σπασμὸσ ἢ τέτανοσ, κακόν. Ἐπὶ πληγῇ ἐσ τὴν κεφαλὴν ἔκπληξισ ἢ παραφροσύνη, κακόν. Ἐπὶ αἵματοσ πτύσει, πύου τύσισ. Ἐπὶ πύου πτύσει, φθίσισ καὶ Ῥύσισ‧ ἐπὴν δὲ τὸ σίελον ἴσχηται, ἀποθνήσκουσιν. Ἐπὶ φλεγμονῇ τοῦ ἥπατοσ λὺγξ, κακόν. Ἐπὶ ἀγρυπνίῃ σπασμὸσ ἢ παραφροσύνη, κακόν. 18 βισ. Ἐπὶ ληθάργῳ τρόμοσ, κακόν. Ἐπὶ ὀστέου ψιλώσει, ἐρυσίπελασ. Ἐπὶ ἐρυσιπέλατι σηπεδὼν ἢ ἐκπύησισ. Ἐπὶ ἰσχυρῷ σφυγμῷ ἐν τοῖσιν ἕλκεσιν, αἱμοῤῬαγίη. Ἐπὶ ὀδύνῃ πολυχρονίῳ τῶν περὶ τὴν κοιλίην, ἐκπύησισ. Ἐπὶ ἀκρήτῳ ὑποχωρήσει, δυσεντερίη. Ἐπὶ ὀστέου διακοπῇ, παραφροσύνη, ἢν κενεὸν λάβῃ Ἐκ φαρμακοποσίησ σπασμὸσ, θανατῶδεσ. Ἐπὶ ὀδύνῃ ἰσχυρῇ τῶν περὶ τὴν κοιλίην, ἀκρωτηρίων ψύξισ, κακόν. Ἐν γαστρὶ ἐχούσῃ τεινεσμὸσ ἐπιγενόμενοσ ἐκτρῶσαι ποιέει. Ὅ τι ἂν ὀστέον, ἢ χόνδροσ, ἢ νεῦρον ἀποκοπῇ ἐν τῷ σώματι, οὔτε αὔξεται, οὔτε συμφύεται. Ἢν ὑπὸ λευκοῦ φλέγματοσ ἐχομένῳ διάῤῬοια ἐπιγένηται ἰσχυρὴ, λύει τὴν νοῦσον. Ὁκόσοισιν ἀφρώδεα τὰ διαχωρήματα ἐν τῇσι διαῤῬοίῃσι, τουτέοισιν ἀπὸ τῆσ κεφαλῆσ ταῦτα ἀποκαταῤῬέει. Ὁκόσοισι πυρέσσουσιν ἐν τοῖσιν οὔροισι κριμνώδεεσ αἱ ὑποστάσιεσ γίνονται, μακρὴν τὴν ἀῤῬωστίην σημαίνουσιν. Ὁκόσοισι δὲ χολώδεεσ αἱ ὑποστάσιεσ, ἄνωθεν δὲ λεπταὶ, ὀξείην τὴν ἀῤῬωστίην σημαίνουσιν. Ὁκόσοισι δὲ διεστηκότα τὰ οὖρα γίνεται, τουτέοισι ταραχὴ ἰσχυρὴ ἐν τῷ σώματί ἐστιν. Ὁκόσοισι δὲ ἐπὶ τοῖσιν οὔροισιν ἐφίστανται πομφόλυγεσ, νεφριτικὰ σημαίνουσι, καὶ μακρὴν τὴν ἀῤῬωστίην ἔσεσθαι. Ὁκόσοισι δὲ λιπαρὴ ἡ ἐπίστασισ καὶ ἀθρόη, τουτέοισι νεφριτικὰ καὶ ὀξέα σημαίνει. Ὁκόσοισι δὲ νεφριτικοῖσιν ἐοῦσι τὰ προειρημένα συμβαίνει σημήϊα, πόνοι τε ὀξέεσ περὶ τοὺσ μύασ τοὺσ Ῥαχιαίουσ γίνονται, ἢν μὲν περὶ τοὺσ ἔξω τόπουσ γίνωνται, ἀπόστημα προσδέχου ἐσόμενον ἔξω‧ ἢν δὲ μᾶλλον οἱ πόνοι πρὸσ τοὺσ ἔσω τόπουσ γίνωνται, καὶ τὸ ἀπόστημα προσδέχου ἐσόμενον μᾶλλον ἔσω. Ὁκόσοι αἷμα ἐμέουσιν, ἢν μὲν ἄνευ πυρετοῦ, σωτήριον‧ ἢν δὲ ξὺν πυρετῷ, κακόν‧ θεραπεύειν δὲ τοῖσι ψυκτικοῖσι καὶ τοῖσι στυπτικοῖσιν. ΚατάῤῬοοι οἱ ἐσ τὴν ἄνω κοιλίην ἐκπυέονται ἐν ἡμέρησιν εἴκοσιν. Ἢν οὐρέῃ αἷμα καὶ θρόμβουσ, καὶ στραγγουρίη ἔχῃ, καὶ ὀδύνη ἐμπίπτῃ ἐσ τὸν περίνεον καὶ τὸν κτένα, τὰ περὶ τὴν κύστιν νοσέειν σημαίνει. Ἢν ἡ γλῶσσα ἐξαίφνησ ἀκρατὴσ γένηται, ἢ ἀπόπληκτόν τι τοῦ σώματοσ, μελαγχολικὸν τὸ τοιοῦτο γίνεται. Ἢν, ὑπερκαθαιρομένων τῶν πρεσβυτέρων, λὺγξ ἐπιγένηται, οὐκ ἀγαθόν Ἢν πυρετὸσ μὴ ἀπὸ χολῆσ ἔχῃ, ὕδατοσ πολλοῦ καὶ θερμοῦ καταχεομένου κατὰ τῆσ κεφαλῆσ, λύσισ τοῦ πυρετοῦ γίνεται. Γυνὴ ἀμφιδέξιοσ οὐ γίνεται. Ὁκόσοι ἔμπυοι καίονται ἢ τέμνονται, ἢν μὲν τὸ πῦον καθαρὸν Ῥυῇ καὶ λευκὸν, περιγίνονται‧ ἢν δὲ ὕφαιμον καὶ βορβορῶδεσ καὶ δυσῶδεσ, ἀπόλλυνται Ὁκόσοι τὸ ἧπαρ διάπυον καίονται ἢ τέμνονται, ἢν μὲν τὸ πῦον καθαρὸν Ῥυῇ καὶ λευκὸν, περιγίγνονται ἑ̓ν χιτῶνι γὰρ τὸ πῦον τουτέοισίν ἐστιν̓‧ ἢν δὲ οἱο͂ν ἀμόργη Ῥυῇ, ἀπόλλυνται. Ὀδύνασ ὀφθαλμῶν, ἄκρητον ποτίσασ καὶ λούσασ πολλῷ θερμῷ, φλεβοτόμει. Ὑδρωπιῶντα ἢν βὴξ ἔχῃ, ἀνέλπιστόσ ἐστιν. Στραγγουρίην καὶ δυσουρίην θώρηξισ καὶ φλεβοτομίη λύει‧ τάμνειν δὲ τὰσ ἔσω. Ὑπὸ κυνάγχησ ἐχομένῳ οἴδημα καὶ ἐρύθημα ἐν τῷ στήθει ἐπιγενόμενον, ἀγαθόν‧ ἔξω γὰρ τρέπεται τὸ νούσημα. Ὁκόσοισιν ἂν σφακελισθῇ ὁ ἐγκέφαλοσ, ἐν τρισὶν ἡμέρῃσιν ἀπόλλυνται‧ ἢν δὲ ταύτασ διαφύγωσιν, ὑγιέεσ γίνονται. Πταρμὸσ γίνεται ἐκ τῆσ κεφαλῆσ, διαθερμαινομένου τοῦ ἐγκεφάλου, ἢ διυγραινομένου τοῦ ἐν τῇ κεφαλῇ κενεοῦ‧ ὑπερχέεται οὖν ὁ ἀὴρ ὁ ἐνεὼν, ψοφέει δὲ, ὅτι διὰ στενοῦ ἡ διέξοδοσ αὐτοῦ ἐστιν Ὁκόσοι ἧπαρ περιωδυνέουσι, τουτέοισι πυρετὸσ ἐπιγενόμενοσ λύει τὴν ὀδύνην. Ὁκόσοισι ξυμφέρει αἷμα ἀφαιρέεσθαι ἀπὸ τῶν φλεβῶν, τουτέοισι ξυμφέρει ἦροσ φλεβοτομέεσθαι. Ὁκόσοισι μεταξὺ τῶν φρενῶν καὶ τῆσ γαστρὸσ φλέγμα ἀποκλείεται, καὶ ὀδύνην παρέχει, οὐκ ἔχον διέξοδον ἐσ οὐδετέρην τῶν κοιλιῶν, τουτέοισι, κατὰ τὰσ φλέβασ ἐσ τὴν κύστιν τραπέντοσ τοῦ φλέγματοσ, λύσισ γίνεται τῆσ νούσου. Ὁκόσοισι δ’ ἂν τὸ ἧπαρ ὕδατοσ πλησθὲν ἐσ τὸ ἐπίπλοον Ῥαγῇ, τουτέοισιν ἡ κοιλίη ὕδατοσ ἐμπίπλαται, καὶ ἀποθνήσκουσιν. Ἀλύκη, χάσμη, φρίκη, οἶνοσ ἴσοσ ἴσῳ πινόμενοσ λύει. Ὁκόσοισιν ἐν τῇ οὐρήθρῃ φύματα γίνεται, τουτέοισι, διαπυήσαντοσ καὶ ἐκραγέντοσ, λύεται ὁ πόνοσ Ὁκόσοισιν ἂν ὁ ἐγκέφαλοσ σεισθῇ ὑπό τινοσ προφάσιοσ, ἀνάγκη ἀφώνουσ γίνεσθαι παραχρῆμα. Τοὶσι σώμασι τοῖσιν ὑγρὰσ τὰσ σάρκασ ἔχουσι δεῖ λιμὸν ἐμποιέειν‧ λιμὸσ γὰρ ξηραίνει τὰ σώματα. Ἢν ὑπὸ πυρετοῦ ἐχομένῳ, οἰδήματοσ μὴ ἐόντοσ ἐν τῇ φάρυγγι, πνὶξ ἐξαίφνησ ἐπιγένηται, καὶ καταπίνειν μὴ δύνηται, ἀλλ’ ἢ μόλισ, θανάσιμον. 59 βισ. Ἢνὑπὸ πυρετοῦ ἐχομένῳ ὁ τράχηλοσ ἐπιστραφῇ, καὶ καταπίνειν μὴ δύνηται, οἰδήματοσ μὴ ἐόντοσ ἐν τῷ τραχήλῳ, θανάσιμον. Ὅκου ἂν ἐν ὅλῳ τῷ σώματι μεταβολαὶ, καὶ τὸ σῶμα καταψύχηται, καὶ πάλιν θερμαίνηται, ἢ χρῶμα ἕτερον ἐξ ἑτέρου μεταβάλλῃ, μῆκοσ νούσου σημαίνει. Ἱδρὼσ πουλὺσ, θερμὸσ ἢ ψυχρὸσ, Ῥέων αἰεὶ, σημαίνει ἔχειν πλησμονὴν ὑγροῦ‧ ἀπάγειν οὖν χρὴ τῷ μὲν ἰσχυρῷ ἄνωθεν, τῷ δὲ ἀσθενεῖ κάτωθεν. Οἱ πυρετοὶ οἱ μὴ διαλείποντεσ, ἢν ἰσχυρότεροι διὰ τρίτησ γίνωνται, ἐπικίνδυνοι‧ ὅτῳ δ’ ἂν τρόπῳ διαλείπωσι, σημαίνει ὅτι ἀκίνδυνοι. Ὁκόσοισι πυρετοὶ μακροὶ, τουτέοισιν ἢ φύματα, ἢ ἐσ τὰ ἄρθρα πόνοι ἐγγίνονται. Ὁκόσοισι φύματα ἢ ἐσ τὰ ἄρθρα πόνοι ἐκ πυρετῶν γίνονται, οὗτοι σιτίοισι πλείοσι χρέονται. Ἤν τισ πυρέσσοντι τροφὴν διδῷ, ἣν ὑγιεῖ, τῷ μὲν ὑγιαίνοντι ἰσχὺσ, τῷ δὲ κάμνοντι νοῦσοσ. Τὰ διὰ τῆσ κύστιοσ διαχωρέοντα ὁρῇν δεῖ, εἰ οἱᾶ τοῖσ ὑγιαίνουσιν ὑποχωρέεται‧ τὰ ἥκιστα οὖν ὅμοια τουτέοισι, ταῦτα νοσωδέστερα, τὰ δ’ ὅμοια τοῖσιν ὑγιαίνουσιν, ἥκιστα νοσερά. Καὶ οἷσι τὰ ὑποχωρήματα, ἢν ἐάσῃσ στῆναι καὶ μὴ κινήσῃσ, ὑφίσταται οἱονεὶ ξύσματα, τουτέοισι ξυμφέρει ὑποκαθῆραι τὴν κοιλίην‧ ἢν δὲ μὴ καθαρὴν ποιήσασ διδῷσ τὰ Ῥοφήματα, ὁκόσῳ ἂν κλείω διδῷσ, μᾶλλον βλάψεισ. Ὁκόσοισιν ἂν κάτω ὠμὰ διαχωρέῃ, ἀπὸ χολῆσ μελαίνησ ἐστὶν, ἢν πλείονα, πλείονοσ, ἢν ἐλάσσονα, ἐλάσσονοσ. Αἱ ἀποχρέμψιεσ αἱ ἐν τοῖσι πυρετοῖσι τοῖσι μὴ διαλείπουσι, πελιδναὶ καὶ αἱματώδεεσ καὶ δυσώδεεσ, πᾶσαι κακαί‧ ἀποχωρέουσαι δὲ καλῶσ, ἀγαθαὶ, καὶ κατὰ κοιλίην καὶ κύστιν‧ καὶ ὅκου ἄν τι ἀποχωρέον στῇ μὴ κεκαθαρμένῳ, κακόν. Τὰ σώματα χρὴ, ὅκου τισ βούλεται καθαίρεσθαι, εὔροα ποιέειν‧ κἢν μὲν ἄνω βούλῃ εὔροα ποιέειν, στῆσαι τὴν κοιλίην‧ ἢν δὲ κάτω εὔροα ποιέειν, ὑγρῆναι τὴν κοιλίην. Ὕπνοσ, ἀγρυπνίη, ἀμφότερα μᾶλλον τοῦ μετρίου γινόμενα, νοῦσοσ. Ἐν τοῖσι μὴ διαλείπουσι πυρετοῖσιν, ἢν τὰ μὲν ἔξω ψυχρὰ ᾖ, τὰ δὲ ἔσω καίηται, καὶ πυρετὸσ ἔχῃ, θανάσιμον. Ἐν μὴ διαλείποντι πυρετῷ, ἢν χεῖλοσ, ἢ Ῥὶσ, ἢ ὀφθαλμὸσ διαστραφῇ, ἢν μὴ βλέπῃ, ἢν μὴ ἀκούῃ, ἤδη ἀσθενὴσ ἐὼν, ὅ τι ἂν ᾖ τουτέων τῶν σημείων, θανάσιμον. Ἐπὶ λευκῷ φλέγματι ὕδρωψ ἐπιγίνεται. Ἐπὶ διαῤῬοίῃ δυσεντερίη. Ἐπὶ δυσεντερίῃ λειεντερίη. Ἐπὶ σφακέλῳ ἀπόστασισ ὀστέου. Ἐπὶ αἵματοσ ἐμέτῳ φθορὴ, καὶ πύου κάθαρσισ ἄνω‧ ἐπὶ φθορῇ Ῥεῦμα ἐκ τῆσ κεφαλῆσ‧ ἐπὶ Ῥεύματι διάῤῬοια‧ ἐπὶ διαῤῬοίῃ σχέσισ τῆσ ἄνω καθάρσιοσ‧ ἐπὶ τῇ σχέσει θάνατοσ. Ὁκοῖα καὶ ἐν τοῖσι κατὰ τὴν κύστιν, καὶ τοῖσι κατὰ τὴν κοιλίην ὑποχωρήμασι, καὶ ἐν τοῖσι κατὰ τὰσ σάρκασ, καὶ ἤν που ἄλλῃ τῆσ φύσιοσ ἐκβαίνῃ τὸ σῶμα, ἢν ὀλίγον, ὀλίγη ἡ νοῦσοξ γίνεται, ἢν πουλὺ, πολλὴ, ἢν πάνυ πουλὺ, θανάσιμον τὸ τοιοῦτον. Ὁκόσοι ὑπὲρ τὰ τεσσαράκοντα ἔτεα φρενιτικοὶ γίνονται, οὐ πάνυ τι ὑγιάζονται‧ ἧσσον γὰρ κινδυνεύουσιν, οἷσιν ἂν οἰκείη τῆσ φύσιοσ καὶ τῆσ ἡλικίησ ἡ νοῦσοσ ᾖ. Ὁκόσοισιν ἐν τῇσιν ἀῤῬωστίῃσιν οἱ ὀφθαλμοὶ κατὰ προαίρεσιν δακρύουσιν, ἀγαθόν‧ ὁκόσοισι δὲ ἄνευ προαιρέσιοσ, κακόν. Ὁκόσοισιν ἐν τοῖσι πυρετοῖσι τεταρταίοισιν ἐοῦσιν αἷμα ἐκ τῶν Ῥινῶν Ῥυῇ, πονηρόν. Ἱδρῶτεσ ἐπικίνδυνοι ἐν τῇσι κρισίμοισιν ἡμέρῃσι μὴ γινόμενοι, σφοδροί τε καὶ ταχέωσ ὠθούμενοι ἐκ τοῦ μετώπου, ὥσπερ σταλαγμοὶ καὶ κρουνοὶ, καὶ ψυχροὶ σφόδρα καὶ πολλοί‧ ἀνάγκη γὰρ τὸν τοιοῦτον ἱδρῶτα πορεύεσθαι μετὰ βίησ, καὶ πόνου ὑπερβολῆσ, καὶ ἐκθλίψιοσ πολυχρονίου. Ἐπὶ χρονίῳ νουσήματι κοιλίησ καταφορὴ, κακόν. Ὁκόσα φάρμακα οὐκ ἰῆται, σίδηροσ ἰῆται‧ ὅσα σίδηροσ οὐκ ἰῆται, πῦρ ἰῆται‧ ὅσα δὲ πῦρ οὐκ ἰῆται, ταῦτα χρὴ νομίζειν ἀνίατα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., AFORISMOI., 87.

(히포크라테스, Oeuvres Completes D'Hippocrate., AFORISMOI., 87.)

상위

목록

SEARCH

MENU NAVIGATION