Hippocrates, Oeuvres Completes D'Hippocrate., AFORISMOI., 87.

(히포크라테스, Oeuvres Completes D'Hippocrate., AFORISMOI., 87.)

Ἐν τοῖσιν ὀξέσι νουσήμασι ψύξισ ἀκρωτηρίων, κακόν. Ἐπὶ ὀστέῳ νοσέοντι σὰρξ πελιδνὴ, κακόν. Ἐπὶ ἐμέτῳ λὺγξ καὶ ὀφθαλμοὶ ἐρυθροὶ, κακόν. Ἐπὶ ἱδρῶτι φρίκη, οὐ χρηστόν. Ἐπὶ μανίῃ δυσεντερίη, ἢ ὕδρωψ, ἢ ἔκστασισ, ἀγαθόν. Ἐν νούσῳ πολυχρονίῃ ἀσιτίη καὶ ἄκρητοι ὑποχωρήσιεσ, κακόν. Ἐκ πολυποσίησ Ῥῖγοσ καὶ παραφροσύνη, κακόν. Ἐπὶ φύματοσ ἔσω Ῥήξει ἔκλυσισ, ἔμετοσ, καὶ λειποψυχίη γίνεται. Ἐπὶ αἵματοσ Ῥύσει παραφροσύνη ἢ σπασμὸσ, κακόν. Ἐπὶ εἰλεῷ ἔμετοσ, ἢ λὺγξ, ἢ σπασμὸσ, ἢ παραφροσύνη, κακόν Ἐπὶ πλευρίτιδι περιπλευμονίη, κακόν. Ἐπὶ περιπλευμονίῃ φρενῖτισ, κακόν. Ἐπὶ καύμασιν ἰσχυροῖσι σπασμὸσ ἢ τέτανοσ, κακόν. Ἐπὶ πληγῇ ἐσ τὴν κεφαλὴν ἔκπληξισ ἢ παραφροσύνη, κακόν. Ἐπὶ αἵματοσ πτύσει, πύου τύσισ. Ἐπὶ πύου πτύσει, φθίσισ καὶ Ῥύσισ‧ ἐπὴν δὲ τὸ σίελον ἴσχηται, ἀποθνήσκουσιν. Ἐπὶ φλεγμονῇ τοῦ ἥπατοσ λὺγξ, κακόν. Ἐπὶ ἀγρυπνίῃ σπασμὸσ ἢ παραφροσύνη, κακόν. 18 βισ. Ἐπὶ ληθάργῳ τρόμοσ, κακόν. Ἐπὶ ὀστέου ψιλώσει, ἐρυσίπελασ. Ἐπὶ ἐρυσιπέλατι σηπεδὼν ἢ ἐκπύησισ. Ἐπὶ ἰσχυρῷ σφυγμῷ ἐν τοῖσιν ἕλκεσιν, αἱμοῤῬαγίη. Ἐπὶ ὀδύνῃ πολυχρονίῳ τῶν περὶ τὴν κοιλίην, ἐκπύησισ. Ἐπὶ ἀκρήτῳ ὑποχωρήσει, δυσεντερίη. Ἐπὶ ὀστέου διακοπῇ, παραφροσύνη, ἢν κενεὸν λάβῃ Ἐκ φαρμακοποσίησ σπασμὸσ, θανατῶδεσ. Ἐπὶ ὀδύνῃ ἰσχυρῇ τῶν περὶ τὴν κοιλίην, ἀκρωτηρίων ψύξισ, κακόν. Ἐν γαστρὶ ἐχούσῃ τεινεσμὸσ ἐπιγενόμενοσ ἐκτρῶσαι ποιέει. Ὅ τι ἂν ὀστέον, ἢ χόνδροσ, ἢ νεῦρον ἀποκοπῇ ἐν τῷ σώματι, οὔτε αὔξεται, οὔτε συμφύεται. Ἢν ὑπὸ λευκοῦ φλέγματοσ ἐχομένῳ διάῤῬοια ἐπιγένηται ἰσχυρὴ, λύει τὴν νοῦσον. Ὁκόσοισιν ἀφρώδεα τὰ διαχωρήματα ἐν τῇσι διαῤῬοίῃσι, τουτέοισιν ἀπὸ τῆσ κεφαλῆσ ταῦτα ἀποκαταῤῬέει. Ὁκόσοισι πυρέσσουσιν ἐν τοῖσιν οὔροισι κριμνώδεεσ αἱ ὑποστάσιεσ γίνονται, μακρὴν τὴν ἀῤῬωστίην σημαίνουσιν. Ὁκόσοισι δὲ χολώδεεσ αἱ ὑποστάσιεσ, ἄνωθεν δὲ λεπταὶ, ὀξείην τὴν ἀῤῬωστίην σημαίνουσιν. Ὁκόσοισι δὲ διεστηκότα τὰ οὖρα γίνεται, τουτέοισι ταραχὴ ἰσχυρὴ ἐν τῷ σώματί ἐστιν. Ὁκόσοισι δὲ ἐπὶ τοῖσιν οὔροισιν ἐφίστανται πομφόλυγεσ, νεφριτικὰ σημαίνουσι, καὶ μακρὴν τὴν ἀῤῬωστίην ἔσεσθαι. Ὁκόσοισι δὲ λιπαρὴ ἡ ἐπίστασισ καὶ ἀθρόη, τουτέοισι νεφριτικὰ καὶ ὀξέα σημαίνει. Ὁκόσοισι δὲ νεφριτικοῖσιν ἐοῦσι τὰ προειρημένα συμβαίνει σημήϊα, πόνοι τε ὀξέεσ περὶ τοὺσ μύασ τοὺσ Ῥαχιαίουσ γίνονται, ἢν μὲν περὶ τοὺσ ἔξω τόπουσ γίνωνται, ἀπόστημα προσδέχου ἐσόμενον ἔξω‧ ἢν δὲ μᾶλλον οἱ πόνοι πρὸσ τοὺσ ἔσω τόπουσ γίνωνται, καὶ τὸ ἀπόστημα προσδέχου ἐσόμενον μᾶλλον ἔσω. Ὁκόσοι αἷμα ἐμέουσιν, ἢν μὲν ἄνευ πυρετοῦ, σωτήριον‧ ἢν δὲ ξὺν πυρετῷ, κακόν‧ θεραπεύειν δὲ τοῖσι ψυκτικοῖσι καὶ τοῖσι στυπτικοῖσιν. ΚατάῤῬοοι οἱ ἐσ τὴν ἄνω κοιλίην ἐκπυέονται ἐν ἡμέρησιν εἴκοσιν. Ἢν οὐρέῃ αἷμα καὶ θρόμβουσ, καὶ στραγγουρίη ἔχῃ, καὶ ὀδύνη ἐμπίπτῃ ἐσ τὸν περίνεον καὶ τὸν κτένα, τὰ περὶ τὴν κύστιν νοσέειν σημαίνει. Ἢν ἡ γλῶσσα ἐξαίφνησ ἀκρατὴσ γένηται, ἢ ἀπόπληκτόν τι τοῦ σώματοσ, μελαγχολικὸν τὸ τοιοῦτο γίνεται. Ἢν, ὑπερκαθαιρομένων τῶν πρεσβυτέρων, λὺγξ ἐπιγένηται, οὐκ ἀγαθόν Ἢν πυρετὸσ μὴ ἀπὸ χολῆσ ἔχῃ, ὕδατοσ πολλοῦ καὶ θερμοῦ καταχεομένου κατὰ τῆσ κεφαλῆσ, λύσισ τοῦ πυρετοῦ γίνεται. Γυνὴ ἀμφιδέξιοσ οὐ γίνεται. Ὁκόσοι ἔμπυοι καίονται ἢ τέμνονται, ἢν μὲν τὸ πῦον καθαρὸν Ῥυῇ καὶ λευκὸν, περιγίνονται‧ ἢν δὲ ὕφαιμον καὶ βορβορῶδεσ καὶ δυσῶδεσ, ἀπόλλυνται Ὁκόσοι τὸ ἧπαρ διάπυον καίονται ἢ τέμνονται, ἢν μὲν τὸ πῦον καθαρὸν Ῥυῇ καὶ λευκὸν, περιγίγνονται ἑ̓ν χιτῶνι γὰρ τὸ πῦον τουτέοισίν ἐστιν̓‧ ἢν δὲ οἱο͂ν ἀμόργη Ῥυῇ, ἀπόλλυνται. Ὀδύνασ ὀφθαλμῶν, ἄκρητον ποτίσασ καὶ λούσασ πολλῷ θερμῷ, φλεβοτόμει. Ὑδρωπιῶντα ἢν βὴξ ἔχῃ, ἀνέλπιστόσ ἐστιν. Στραγγουρίην καὶ δυσουρίην θώρηξισ καὶ φλεβοτομίη λύει‧ τάμνειν δὲ τὰσ ἔσω. Ὑπὸ κυνάγχησ ἐχομένῳ οἴδημα καὶ ἐρύθημα ἐν τῷ στήθει ἐπιγενόμενον, ἀγαθόν‧ ἔξω γὰρ τρέπεται τὸ νούσημα. Ὁκόσοισιν ἂν σφακελισθῇ ὁ ἐγκέφαλοσ, ἐν τρισὶν ἡμέρῃσιν ἀπόλλυνται‧ ἢν δὲ ταύτασ διαφύγωσιν, ὑγιέεσ γίνονται. Πταρμὸσ γίνεται ἐκ τῆσ κεφαλῆσ, διαθερμαινομένου τοῦ ἐγκεφάλου, ἢ διυγραινομένου τοῦ ἐν τῇ κεφαλῇ κενεοῦ‧ ὑπερχέεται οὖν ὁ ἀὴρ ὁ ἐνεὼν, ψοφέει δὲ, ὅτι διὰ στενοῦ ἡ διέξοδοσ αὐτοῦ ἐστιν Ὁκόσοι ἧπαρ περιωδυνέουσι, τουτέοισι πυρετὸσ ἐπιγενόμενοσ λύει τὴν ὀδύνην. Ὁκόσοισι ξυμφέρει αἷμα ἀφαιρέεσθαι ἀπὸ τῶν φλεβῶν, τουτέοισι ξυμφέρει ἦροσ φλεβοτομέεσθαι. Ὁκόσοισι μεταξὺ τῶν φρενῶν καὶ τῆσ γαστρὸσ φλέγμα ἀποκλείεται, καὶ ὀδύνην παρέχει, οὐκ ἔχον διέξοδον ἐσ οὐδετέρην τῶν κοιλιῶν, τουτέοισι, κατὰ τὰσ φλέβασ ἐσ τὴν κύστιν τραπέντοσ τοῦ φλέγματοσ, λύσισ γίνεται τῆσ νούσου. Ὁκόσοισι δ’ ἂν τὸ ἧπαρ ὕδατοσ πλησθὲν ἐσ τὸ ἐπίπλοον Ῥαγῇ, τουτέοισιν ἡ κοιλίη ὕδατοσ ἐμπίπλαται, καὶ ἀποθνήσκουσιν. Ἀλύκη, χάσμη, φρίκη, οἶνοσ ἴσοσ ἴσῳ πινόμενοσ λύει. Ὁκόσοισιν ἐν τῇ οὐρήθρῃ φύματα γίνεται, τουτέοισι, διαπυήσαντοσ καὶ ἐκραγέντοσ, λύεται ὁ πόνοσ Ὁκόσοισιν ἂν ὁ ἐγκέφαλοσ σεισθῇ ὑπό τινοσ προφάσιοσ, ἀνάγκη ἀφώνουσ γίνεσθαι παραχρῆμα. Τοὶσι σώμασι τοῖσιν ὑγρὰσ τὰσ σάρκασ ἔχουσι δεῖ λιμὸν ἐμποιέειν‧ λιμὸσ γὰρ ξηραίνει τὰ σώματα. Ἢν ὑπὸ πυρετοῦ ἐχομένῳ, οἰδήματοσ μὴ ἐόντοσ ἐν τῇ φάρυγγι, πνὶξ ἐξαίφνησ ἐπιγένηται, καὶ καταπίνειν μὴ δύνηται, ἀλλ’ ἢ μόλισ, θανάσιμον. 59 βισ. Ἢνὑπὸ πυρετοῦ ἐχομένῳ ὁ τράχηλοσ ἐπιστραφῇ, καὶ καταπίνειν μὴ δύνηται, οἰδήματοσ μὴ ἐόντοσ ἐν τῷ τραχήλῳ, θανάσιμον. Ὅκου ἂν ἐν ὅλῳ τῷ σώματι μεταβολαὶ, καὶ τὸ σῶμα καταψύχηται, καὶ πάλιν θερμαίνηται, ἢ χρῶμα ἕτερον ἐξ ἑτέρου μεταβάλλῃ, μῆκοσ νούσου σημαίνει. Ἱδρὼσ πουλὺσ, θερμὸσ ἢ ψυχρὸσ, Ῥέων αἰεὶ, σημαίνει ἔχειν πλησμονὴν ὑγροῦ‧ ἀπάγειν οὖν χρὴ τῷ μὲν ἰσχυρῷ ἄνωθεν, τῷ δὲ ἀσθενεῖ κάτωθεν. Οἱ πυρετοὶ οἱ μὴ διαλείποντεσ, ἢν ἰσχυρότεροι διὰ τρίτησ γίνωνται, ἐπικίνδυνοι‧ ὅτῳ δ’ ἂν τρόπῳ διαλείπωσι, σημαίνει ὅτι ἀκίνδυνοι. Ὁκόσοισι πυρετοὶ μακροὶ, τουτέοισιν ἢ φύματα, ἢ ἐσ τὰ ἄρθρα πόνοι ἐγγίνονται. Ὁκόσοισι φύματα ἢ ἐσ τὰ ἄρθρα πόνοι ἐκ πυρετῶν γίνονται, οὗτοι σιτίοισι πλείοσι χρέονται. Ἤν τισ πυρέσσοντι τροφὴν διδῷ, ἣν ὑγιεῖ, τῷ μὲν ὑγιαίνοντι ἰσχὺσ, τῷ δὲ κάμνοντι νοῦσοσ. Τὰ διὰ τῆσ κύστιοσ διαχωρέοντα ὁρῇν δεῖ, εἰ οἱᾶ τοῖσ ὑγιαίνουσιν ὑποχωρέεται‧ τὰ ἥκιστα οὖν ὅμοια τουτέοισι, ταῦτα νοσωδέστερα, τὰ δ’ ὅμοια τοῖσιν ὑγιαίνουσιν, ἥκιστα νοσερά. Καὶ οἷσι τὰ ὑποχωρήματα, ἢν ἐάσῃσ στῆναι καὶ μὴ κινήσῃσ, ὑφίσταται οἱονεὶ ξύσματα, τουτέοισι ξυμφέρει ὑποκαθῆραι τὴν κοιλίην‧ ἢν δὲ μὴ καθαρὴν ποιήσασ διδῷσ τὰ Ῥοφήματα, ὁκόσῳ ἂν κλείω διδῷσ, μᾶλλον βλάψεισ. Ὁκόσοισιν ἂν κάτω ὠμὰ διαχωρέῃ, ἀπὸ χολῆσ μελαίνησ ἐστὶν, ἢν πλείονα, πλείονοσ, ἢν ἐλάσσονα, ἐλάσσονοσ. Αἱ ἀποχρέμψιεσ αἱ ἐν τοῖσι πυρετοῖσι τοῖσι μὴ διαλείπουσι, πελιδναὶ καὶ αἱματώδεεσ καὶ δυσώδεεσ, πᾶσαι κακαί‧ ἀποχωρέουσαι δὲ καλῶσ, ἀγαθαὶ, καὶ κατὰ κοιλίην καὶ κύστιν‧ καὶ ὅκου ἄν τι ἀποχωρέον στῇ μὴ κεκαθαρμένῳ, κακόν. Τὰ σώματα χρὴ, ὅκου τισ βούλεται καθαίρεσθαι, εὔροα ποιέειν‧ κἢν μὲν ἄνω βούλῃ εὔροα ποιέειν, στῆσαι τὴν κοιλίην‧ ἢν δὲ κάτω εὔροα ποιέειν, ὑγρῆναι τὴν κοιλίην. Ὕπνοσ, ἀγρυπνίη, ἀμφότερα μᾶλλον τοῦ μετρίου γινόμενα, νοῦσοσ. Ἐν τοῖσι μὴ διαλείπουσι πυρετοῖσιν, ἢν τὰ μὲν ἔξω ψυχρὰ ᾖ, τὰ δὲ ἔσω καίηται, καὶ πυρετὸσ ἔχῃ, θανάσιμον. Ἐν μὴ διαλείποντι πυρετῷ, ἢν χεῖλοσ, ἢ Ῥὶσ, ἢ ὀφθαλμὸσ διαστραφῇ, ἢν μὴ βλέπῃ, ἢν μὴ ἀκούῃ, ἤδη ἀσθενὴσ ἐὼν, ὅ τι ἂν ᾖ τουτέων τῶν σημείων, θανάσιμον. Ἐπὶ λευκῷ φλέγματι ὕδρωψ ἐπιγίνεται. Ἐπὶ διαῤῬοίῃ δυσεντερίη. Ἐπὶ δυσεντερίῃ λειεντερίη. Ἐπὶ σφακέλῳ ἀπόστασισ ὀστέου. Ἐπὶ αἵματοσ ἐμέτῳ φθορὴ, καὶ πύου κάθαρσισ ἄνω‧ ἐπὶ φθορῇ Ῥεῦμα ἐκ τῆσ κεφαλῆσ‧ ἐπὶ Ῥεύματι διάῤῬοια‧ ἐπὶ διαῤῬοίῃ σχέσισ τῆσ ἄνω καθάρσιοσ‧ ἐπὶ τῇ σχέσει θάνατοσ. Ὁκοῖα καὶ ἐν τοῖσι κατὰ τὴν κύστιν, καὶ τοῖσι κατὰ τὴν κοιλίην ὑποχωρήμασι, καὶ ἐν τοῖσι κατὰ τὰσ σάρκασ, καὶ ἤν που ἄλλῃ τῆσ φύσιοσ ἐκβαίνῃ τὸ σῶμα, ἢν ὀλίγον, ὀλίγη ἡ νοῦσοξ γίνεται, ἢν πουλὺ, πολλὴ, ἢν πάνυ πουλὺ, θανάσιμον τὸ τοιοῦτον. Ὁκόσοι ὑπὲρ τὰ τεσσαράκοντα ἔτεα φρενιτικοὶ γίνονται, οὐ πάνυ τι ὑγιάζονται‧ ἧσσον γὰρ κινδυνεύουσιν, οἷσιν ἂν οἰκείη τῆσ φύσιοσ καὶ τῆσ ἡλικίησ ἡ νοῦσοσ ᾖ. Ὁκόσοισιν ἐν τῇσιν ἀῤῬωστίῃσιν οἱ ὀφθαλμοὶ κατὰ προαίρεσιν δακρύουσιν, ἀγαθόν‧ ὁκόσοισι δὲ ἄνευ προαιρέσιοσ, κακόν. Ὁκόσοισιν ἐν τοῖσι πυρετοῖσι τεταρταίοισιν ἐοῦσιν αἷμα ἐκ τῶν Ῥινῶν Ῥυῇ, πονηρόν. Ἱδρῶτεσ ἐπικίνδυνοι ἐν τῇσι κρισίμοισιν ἡμέρῃσι μὴ γινόμενοι, σφοδροί τε καὶ ταχέωσ ὠθούμενοι ἐκ τοῦ μετώπου, ὥσπερ σταλαγμοὶ καὶ κρουνοὶ, καὶ ψυχροὶ σφόδρα καὶ πολλοί‧ ἀνάγκη γὰρ τὸν τοιοῦτον ἱδρῶτα πορεύεσθαι μετὰ βίησ, καὶ πόνου ὑπερβολῆσ, καὶ ἐκθλίψιοσ πολυχρονίου. Ἐπὶ χρονίῳ νουσήματι κοιλίησ καταφορὴ, κακόν. Ὁκόσα φάρμακα οὐκ ἰῆται, σίδηροσ ἰῆται‧ ὅσα σίδηροσ οὐκ ἰῆται, πῦρ ἰῆται‧ ὅσα δὲ πῦρ οὐκ ἰῆται, ταῦτα χρὴ νομίζειν ἀνίατα.

일치하는 문장이 없습니다.

SEARCH

MENU NAVIGATION