Hippocrates, Oeuvres Completes D'Hippocrate., AFORISMOI., 60.

(히포크라테스, Oeuvres Completes D'Hippocrate., AFORISMOI., 60.)

Ἐν τῇσι χρονίῃσι λειεντερίῃσιν ὀξυρεγμίη ἐπιγινομένη, μὴ γενομένη πρότερον, σημεῖον ἀγαθόν. Οἷσι Ῥῖνεσ ὑγρότεραι φύσει, καὶ ἡ γονὴ ὑγροτέρη, ὑγιαίνουσι νοσηρότερον‧ οἷσι δὲ τἀναντία, ὑγιεινότερον. Ἐν τῇσι μακρῇσι δυσεντερίῃσιν αἱ ἀποσιτίαι, κακόν‧ καὶ ξὺν πυρετῷ, κάκιον. Τὰ περιμάδαρα ἕλκεα, κακοήθεα. Τῶν ὀδυνέων ἐν πλευρῇσι, καὶ ἐν στήθεσι, καὶ ἐν τοῖσιν ἄλλοισι μέρεσιν, ἢν μέγα διαφέρωσι, καταμαθητέον. Τὰ νεφριτικὰ, καὶ ὁκόσα κατὰ τὴν κύστιν, ἐργωδῶσ ὑγιάζεται τοῖσι πρεσβύτῃσιν. Τὰ ἀλγήματα τὰ κατὰ τὴν κοιλίην γινόμενα, τὰ μὲν μετέωρα κουφότερα, τὰ δὲ μὴ μετέωρα, ἰσχυρότερα. Τοῖσιν ὑδρωπικοῖσι τὰ γινόμενα ἕλκεα ἐν τῷ σώματι, οὐ Ῥηϊδίωσ ὑγιάζεται. Τὰ πλατέα ἐξανθήματα, οὐ πάνυ τι κνησμώδεα. Κεφαλὴν πονέοντι καὶ περιωδυνέοντι, πῦον, ἢ ὕδωρ, ἢ αἷμα Ῥυὲν κατὰ τὰσ Ῥῖνασ, ἢ κατὰ τὸ στόμα, ἢ κατὰ τὰ ὦτα, λύει τὸ νούσημα. Τοῖσι μελαγχολικοῖσι, καὶ τοῖσι νεφριτικοῖσιν αἱμοῤῬοί̈δεσ ἐπιγινόμεναι, ἀγαθόν. Τῷ ἰηθέντι χρονίασ αἱμοῤῬοί̈δασ, ἢν μὴ μία φυλαχθῇ, κίνδυνοσ ὕδρωπα ἐπιγενέσθαι ἢ φθίσιν. Ὑπὸ λυγμοῦ ἐχομένῳ πταρμοὶ ἐπιγενόμενοι λύουσι τὸν λυγμόν. Ὑπὸ ὕδρωποσ ἐχομένῳ, κατὰ τὰσ φλέβασ ἐσ τὴν κοιλίην ὕδατοσ Ῥυέντοσ, λύσισ. Ὑπὸ διαῤῬοίησ ἐχομένῳ μακρῆσ ἀπὸ ταυτομάτου ἔμετοσ ἐπιγινόμενοσ λύει τὴν διάῤῬοιαν. Ὑπὸ πλευρίτιδοσ, ἢ ὑπὸ περιπλευμονίησ ἐχομένῳ διάῤῬοια ἐπιγενομένη, κακόν. Ὀφθαλμιῶντι, ὑπὸ διαῤῬοίησ ληφθῆναι, ἀγαθόν. Κύστιν διακοπέντι, ἢ ἐγκέφαλον, ἢ καρδίην, ἢ φρένασ, ἢ τῶν ἐντέρων τι τῶν λεπτῶν, ἢ κοιλίην, ἢ ἧπαρ, θανατῶδεσ. Ἐπὴν διακοπῇ ὀστέον, ἢ χονδρὸσ, ἢ νεῦρον, ἢ γνάθου τὸ λεπτὸν, ἢ ἀκροποσθίη, οὔτε αὔξεται, οὔτε ξυμφύεται. Ἢν ἐσ τὴν κοιλίην αἷμα ἐκχυθῇ παρὰ φύσιν, ἀνάγκη ἐκπυηθῆναι. Τοῖσι μαινομένοισι, κιρσῶν ἢ αἱμοῤῬοί̈δων ἐπιγινομένων, μανίησ λύσισ. Ὁκόσα Ῥήγματα ἐκ τοῦ νώτου ἐσ τοὺσ ἀγκῶνασ καταβαίνει, φλεβοτομίη λύει. Ἢν φόβοσ ἢ δυσθυμίη πουλὺν χρόνον διατελέῃ, μελαγχολικὸν τὸ τοιοῦτον. Ἐντέρων ἢν διακοπῇ τῶν λεπτῶν τι, οὐ ξυμφύεται. Ἐρυσίπελασ, ἔξωθεν καταχεόμενον, ἔσω τρέπεσθαι οὐκ ἀγαθόν‧ ἔσωθεν δὲ ἔξω, ἀγαθόν. Ὁκόσοισιν ἂν ἐν τοῖσι καύσοισι τρόμοι γενωνται, παρακοπὴ λύει. Ὁκόσοι ἔμπυοι ἢ ὑδρωπικοὶ τέμνονται ἢ καίονται, ἐκρυέντοσ τοῦ πύου ἢ τοῦ ὕδατοσ ἀθρόου, πάντωσ ἀπόλλυνται. Εὐνοῦχοι οὐ ποδαγριῶσιν, οὐδὲ φαλακροὶ γίνονται. Γυνὴ οὐ ποδαγριᾷ, ἢν μὴ τὰ καταμήνια αὐτέῃ ἐκλίπῃ. Παῖσ οὐ ποδαγριᾷ πρὸ τοῦ ἀφροδισιασμοῦ. Ὀδύνασ ὀφθαλμῶν ἀκρητοποσίη, ἢ λουτρὸν, ἢ πυρίη, ἢ φλεβοτομίη, ἢ φαρμακοποσίη λύει. Τραυλοὶ ὑπὸ διαῤῬοίησ μάλιστα ἁλίσκονται μακρῆσ. Οἱ ὀξυρεγμιώδεεσ οὐ πάνυ τι πλευριτικοὶ γίνονται. Ὁκόσοι φαλακροὶ, τουτέοισι κιρσοὶ μεγάλοι οὐ γίνονται‧ ὁκόσοισι δὲ φαλακροῖσιν ἐοῦσιν κιρσοὶ γίνονται, πάλιν οὗτοι γίνονται δασέεσ. Τοῖσιν ὑδρωπικοῖσι βὴξ ἐπιγενομένη, κακόν. Δυσουρίην φλεβοτομίη λύει, τάμνειν δὲ τὰσ ἔσω. Ὑπὸ κυνάγχησ ἐχομένῳ οἰδήματα γενέσθαι ἐν τῷ βρόγχῳ ἔξω, ἀγαθόν. Ὁκόσοισι κρυπτοὶ καρκίνοι γίνονται, μὴ θεραπεύειν βέλτιον‧ θεραπευόμενοι γὰρ ἀπόλλυνται ταχέωσ, μὴ θεραπευόμενοι δὲ, πουλὺν χρόνον διατελέουσιν. Σσπασμοὶ γίνονται, ἢ ὑπὸ πληρώσιοσ, ἢ κενώσιοσ‧ οὕτω δὲ καὶ λυγμόσ. Ὁκόσοισι περὶ τὸ ὑποχόνδριον πόνοι γίνονται ἄτερ φλεγμοῆσ, τουτέοισι πυρετὸσ ἐπιγενόμενοσ λύει τὸν πόνον. Ὁκόσοισι διάπυόν τι ἐὸν ἐν τῷ σώματι μὴ διασημαίνει, τουτέοισι διὰ παχύτητα τοῦ τόπου οὐ διασημαίνει. Ἐν τοῖσιν ἰκτερικοῖσι τὸ ἧπαρ σκληρὸν γενέσθαι, πονηρόν. Ὁκόσοι σπληνώδεεσ ὑπὸ δυσεντερίησ ἁλίσκονται, τουτέοισιν, ἐπιγενομένησ μακρῆσ τῆσ δυσεντερίησ, ὕδρωψ ἐπιγίνεται, ἢ λειεντερίη, καὶ ἀπόλλυνται. Ὁκόσοισιν ἐκ στραγγουρίησ εἰλεοὶ γίνονται, ἐν ἑπτὰ ἡμέρῃσιν ἀπόλλυνται, ἢνμὴ, πυρετοῦ ἐπιγενομένου, ἅλισ τὸ οὖρον Ῥυῇ. Ἕλκεα ὁκόσα ἐνιαύσια γίνεται, ἢ μακρότερον χρόνον ἴσχει, ἀνάγκη ὀστέον ἀφίστασθαι, καὶ τὰσ οὐλὰσ κοίλασ γίνεσθαι. Ὁκόσοι ὑβοὶ ἐξ ἄσθματοσ ἢ βηχὸσ γίνονται πρὸ τῆσ ἥβησ, ἀπόλλυνται. Ὁκόσοισι φλεβοτομίη ἢ φαρμακείη ξυμφέρει, τουτέουσ προσῆκον τοῦ ἦροσ φλεβοτομεῖν, ἢ φαρμακεύειν. Τοῖσι σπληνώδεσι δυσεντερίη ἐπιγενομένη, ἀγαθόν. Ὁκόσα ποδαγρικὰ νουσήματα γίνεται, ταῦτα ἀποφλεγμήναντα ἐν τεσσαράκοντα ἡμέρῃσιν ἀποκαθίσταται. Ὁκόσοισιν ἂν ὁ ἐγκέφαλοσ διακοπῇ, τουτέοισιν ἀνάγκη πυρετὸν καὶ χολῆσ ἔμετον ἐπιγίνεσθαι. Ὁκόσοισιν ὑγιαίνουσιν ὀδύναι γίνονται ἐξαίφνησ ἐν τῇ κεφαλῇ, καὶ παραχρῆμα ἄφωνοι κεῖνται, καὶ Ῥέγκουσιν, ἀπόλλυνται ἐν ἑπτὰ ἡμέρῃσιν, ἢν μὴ πυρετὸσ ἐπιλάβῃ. Σκοπεῖν δὲ χρὴ καὶ τὰσ ὑποφάσιασ τῶν ὀφθαλμῶν ἐν τοῖσιν ὕπνοισιν‧ ἢν γάρ τι ὑποφαίνηται, ξυμβαλλομένων τῶν βλεφάρων, τοῦ λευκοῦ μὴ ἐκ διαῤῬοίησ ἐόντι ἢ φαρμακοποσίησ, φλαῦρον τὸ σημεῖον καὶ θανατῶδεσ σφόδρα. Αἱ παραφροσύναι αἱ μὲν μετὰ γέλωτοσ γινόμεναι, ἀσφαλέστεραι‧ αἱ δὲ μετὰ σπουδῆσ, ἐπισφαλέστεραι. Ἐν τοῖσιν ὀξέσι πάθεσι τοῖσι μετὰ πυρετοῦ αἱ κλαυθμώδεεσ ἀναπνοαὶ, κακαί. Τὰ ποδαγρικὰ τοῦ ἦροσ καὶ τοῦ φθινοπώρου κινέεται ὡσ ἐπὶ τὸ πουλύ. Τοῖσι μελαγχολικοῖσι νουσήμασιν ἐσ τάδε ἐπικίνδυνοι αἱ ἀποσκήψιεσ‧ ἢ ἀπόπληξιν τοῦ σώματοσ, ἢ σπασμὸν, ἢ μανίην, ἢ τύφλωσιν σημαίνουσιν. Ἀπόπληκτοι δὲ μάλιστα γίνονται ἡλικίῃ τῇ ἀπὸ τεσσαράκοντα ἐτέων ἄχρισ ἑξήκοντα. Ἢν ἐπίπλοον ἐκπέσῃ, ἀνάγκη ἀποσαπῆναι. Ὁκόσοισιν ὑπὸ ἰσχιάδοσ ἐνοχλουμένοισιν ἐξίσταται τὸ ἰσχίον, καὶ πάλιν ἐμπίπτει, τουτέοισι μύξαι ἐπιγίνονται. Ὁκόσοισιν ὑπὸ ἰσχιάδοσ ἐνοχλουμένοισι χρονίησ τὸ ἰσχίον ἐξίσταται, τουτέοισι τήκεται τὸ σκέλοσ, καὶ χωλοῦνται, ἢν μὴ καυθέωσιν.

일치하는 문장이 없습니다.

SEARCH

MENU NAVIGATION